Со 143 гласа „за“ и 156 „против“, грчкиот Парламент го отфрли предлогот на опозициската СИРИЗА за недоверба на актуелната Влада.
За пад на Владата на Мицотакис, потребно беше предлогот на СИРИЗА да добие гласови од најмалку 151 од вкупно 300 пратеници во Парламентот.
Владејачката Нова демократија има 156 пратеници и сите беа против предлогот за недоверба на Владата.
На гласањето му претходеше тридневна расправа и говори на лидерите на сите политички партии, како и на грчкиот премиер Кирјакос Мицотакис.
Поради скандалот со прислушувањата во земјата, лидерот на СИРИЗА Алексис Ципрас, во средата достави предлог за гласање недоверба на Владата.
