Иако Никола Груевски веќе не е на власт, во Тетово сé уште живее „груевизмот“. Ова беа реакциите од експертите и активистите на граѓанскиот сектор по започнувањето на работењето на фасадата на Архивот на Тетово. Објектот почнаа да го обвиткуваат со метална изолација, што е во спротивност со автентичкиот изглед. Гласот на тетовските активисти влијаеше кај повисоките институции да ја запрат работата, како и за враќање на надежта дека овие тенденции ќе бидат сопрени.
„Живееме во лудо време, во коишто со проектот Скопје објетите со модерна архитектура на 20 век се обвиткаа со барокни фасади за да се створи лажен, непостоечки идентитет, а сега во Тетово груевизмот се аплицир во спротивен правец – се брише и се отуѓува стариот идентитет со нови фасади. Последните постапки со фасадата на зградата на Градскиот Архив на Тетово е тенденциозен, и уште повеќе бидејќи е веќе во процедура за прогласување како објект на културното наследство“, вели Нгадњим Мехмети од Еко Герила. Тој посочува дека намерата е бришење на историјата и обезвреднување на и тоа малку културно наследство што останало од минатото на овој град. „Проектот за рушењето на културното наследство на нашите градови е почнат уште од времето на комунистичкиот режим, продолжувајќи и ден денес во поинакви форми, со масовна бетонизација и промовирање на кичот во урбанизмот и архитектурата, демотивирајќи ги на овој начин и идните генерации. Денес Тетово се обезличува како град, и слободно може да му се додели награда за „Најгрдиот град во регионот“, град со хаотичен плоштад и узурпирани површини, каде што местото на културното наследсвто е прекриено со прашина како подарок од локалната власт“, вели Мехмети.
По реакциите во јавноста веднаш по започнувањето на работењето на фасадите, интервенираше и Висар Вишка, советник на Министерот за култура, Асаф Адеми. Во изјавата што ја даде за ЦИВИЛ Медиа и Дрејт, Вишка објаснува дека постигнал да ги покрене одговорните институции и да ги сопре градежните работи до завршувањето на процедурата за прогласување на објектот како заштитено културно наследство.
„Откако видов што прават, веднаш реагирав. Првите информации беа дека се нема ингеренции бидејќи објектот не е под заштитено културно наследство. Но не се откажав и побарав да се најдат начини како да се спречи ова лосторство врз наследените вредности. На крај излезе дека објектот е веќе во процедура, односно, дека не смее да биде предмет на градежни интервенции. Побарав од директорот на Архивот веднаш да ги сопре интервенциите врз објектот до понеделник, кога ќе ги испратиме инспекторите да ја го расчистат случајот. Иако на почетокот имаше двоумење, на крај прифати за општото добро“, вели Вишка.
Ова е втор случај за еден краток временски период, на вредни објекти да им се менува оригиналниот изглед. Претходно, со инвестиција од Општина Тетово се сруши Казази мостот во Тетово, и на истото место се изгради нов мост, без никаква трага од оригиналниот објект.
Арбен Зеќири
