ЗОРАН ИВАНОВ
Со таква изборна доверба и со такво мнозинство ВМРО-ДПМНЕ и нејзиниот прв човек веќе си ја прокоцкаа историската шанса да направат или барем да постават темели за брзи, ефектни и ефикасни реформи и наспроти ветувања само со катадневни телевизиски бла, бла гачки, само волунтаристички си се препелкаат меѓу ветувањата и неостварувањата вознесени од фактот што во своите раце ги имаат дизгините на владеење со буџетот и со министерството за внатрешни како нивна испробана алатка за покажување мускули и сеење страв со ефекти кои на крајот за криминалот и корупцијата ќе бидат со ефект нула зашто наместо сета енергија да ја насочи кон реформите, длабоки и корените, и со таква изборна доверба и со такво мнозинство да предизвикаат институционален земјотрес кој Северна Македонија робусно, како што вели премерот за полициските акции, ќе ја истурка во ЕУ, тие и тој продолжуваат робусно да ја тегнат рачната кочница за државава да не привири на патот на ЕУ интеграциите и таквите негови и нивни однесувања и постапки кои државата и сите во неа нè држи на непристојна дистанца од развиените општества, од ЕУ и Брисел каде што само пред десетина дена премиерот робусно изеде ќотек и за своите ставови доби робусна ЕУ корпа, практично за тоа што упорно ги ништи сите македонски развојни шанси и инаетливо гордо ја турка Македонија во неповрат па, оттука, наместо новогодишна честитка, а кажано во една реченица, и тој и партијата негова сосе партнерите коалициски за оваа 2024 заслужуваат народот да им стегне по една кривична и тоа по една баш онаква – робусна.
