ЦИВИЛ – Центар за слобода утре (петок, 24 февруари) организира панел-дискусија за медиумите и за новинарството во изборниот процес, со учество на еминентни новинари од медиумите на македонски и албански јазик.
„Меѓу чеканот и наковалната: Медиумите и новинарството во изборниот процес“ е тема на панел-дискусијата која во организација на ЦИВИЛ – Центар за слобода, ќе се одржи утре во 12:30 часот, во скопскиот хотел „Парк Резиденс„,
Панелисти кои го потврдија учеството се еминентните новинари Гордана Дувњак (Утрински весник), Љубиша Николовски (ТВ Нова), Биљана Спасеска Георгиевска (ТВ 21), Бранко Геровски (Слободен печат, Плусинфо), Назим Рашиди (ТВ Алсат – М)…, а листата сé уште не е затворена.
Модератор ќе биде уредникот на ЦИВИЛ Медиа, Синиша Станковиќ.
Покрај новинарите-панелисти кои ќе говорат за предизвиците на медиумите во текот на изборниот процес во Република Македонија, на дискусијата се поканети претставници на граѓанското општество, на политичките партии и заинтересирани граѓанки и граѓани. По кратките обраќања на панелистките и панелистите, ќе следи дискусија на која секој од поканетите ќе има можност да говори различни аспекти на оваа тема.
Панел дискусијата „Меѓу чеканот и наковалната“ е дел од проектот за изборен мониторинг „Напред!“, поддржан од Министерството за надворешни работи на Сојузна Република Германија.