fbpx
  • Latest

Историска судска победа на македонскиот јазик во Грција: Судот во Лерин ги одби тужбите за забрана на Центарот за македонски јазик во грција

March 19, 2023
Фото: МИА

24 ЧАСА: Изнудување пари мотив за убиствата на Вања Ѓорчевска и Панче Жежовски; парламентарни избори на 8 мај, договор од лидерската средба; СДСМ со иницијатива за широк Европски фронт

December 4, 2023

Ковачевски по лидерската средба: Договоривме датуми за редовните избори, европскиот пат е почнат и сега е момент да се постапи правилно, иницираме Европски фронт!

December 4, 2023
Ерол Ризаов

(24 ГОДИНИ ЦИВИЛ) Ерол Ризаов: ЦИВИЛ го турка каменот на Сизиф

December 4, 2023

Парламентарните избори ќе се одржат на 8 мај, заедно со вториот круг претседателски

December 4, 2023

МВР: Првиот осомничен за убиствата има серија кривични пријави – неовластено прислушување, даночно затајување, илегално оружје, злоупотреба на службена положба…

December 4, 2023

Реквием за еден сон (moral missing)

December 4, 2023
CivilMedia
  • ДОМА
  • ВЕСТИ
  • ПОЛИТИКА
  • ЕКОНОМИЈА
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ЕКОНОМИЈА
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home РЕГИОН

Историска судска победа на македонскиот јазик во Грција: Судот во Лерин ги одби тужбите за забрана на Центарот за македонски јазик во грција

March 19, 2023 09:35
in ВЕСТИ, ПРАВДА, РЕГИОН
Share on FacebookShare on Twitter

Основниот суд во Лерин, во две посебни одлуки, официјално одби повеќе барања/тужби за поништување на првичната одлука за одобрување на барањето за неговата регистрација, се вели во соопштението на Центарот за македонски јазик во Лерин, пренесува Рацин.мк.

Во соопштението се потсетува дека на 27.07.2022 година, барањето за регистрација на Центарот за македонски јазик како невладина организација/здружение беше одобрено од грчкиот суд, со што тој стана првата организација, која директно се грижи за македонскиот јазик, што е регистрирана и призната како таква од грчките државни органи.

Сепак, веднаш по соопштувањето на таквата одлука, до Судот во Лерин беа доставени повеќе барања/тужби од “трети заинтересирани страни” за поништување на првичната одлука за регистрација. Како подносители на таквите барања се појавија неколку екстремно десничарски организации и политички партии во државата, додека едно од барањето беше поднесено лично од страна на јавниот обвинител на територијата на Леринската околија.

Првото од судењата беше одржано на 16 февруари 2023год. Во атмосфера исполнета со тензии, дополнета и сопреполни судски сали, Центарот за македонски јазик ги претстави своите аргументи пред Судот, меѓу другото и со презентирање на докази за признавањето на македонскиот јазик од страна на грчката државата пред повеќе од еден век.

Со историските одлуки од 16 март 2023 година, Основниот суд на Лерин ги одби барањето/тужбата на околискиот јавен обвинител, барањата поднесени од “Панмакедонскиот сојуз на македонската борба Грција-Австралија” и “Панхеленското здружение на потомците на македономахите – Павлос Мелас”, како и оние поднесени од „Здружението за одбрана на Македонија и Тракија“, „Друштвото за македонски студии“, „Здружението Аристотел“, „Здружението на пензионирани армиски офицери“ и „Регионот Западна Македонија“.

Нивните барања беа одбиени како неосновани, додека еден дел од нив беа квалификувани и како целосно неприфатливи.

Со тоа, Центарот за македонски јазик во Грција останува законски регистрирана невладина организација во државата.

Центарот за македонски јазик го изразува своето нескриено задоволство што после децениска борба, македоноговорното население во Грција доби позитивен судски исход во однос на неговите легитимни барања. Правото на слободно здружување конечно е достапно и уважено во однос на организација за подршка на македонскиот јазик.

Веруваме дека сега е време ова човеково право (загарантирано со член 12 од Уставот на Грција и член 11 од Европската конвенција за човекови права) да биде достапно и за други слични невладини организации – кои во минатото барале и во иднина ќе бараат нивна судска регистрација.

Сакаме неизмерно да им се заблагодариме на сите оние во Грција и странство кои ја поткрепија нашата правна борба во последните месеци. Посебно му благодариме на нашиот адвокат Кирос Спонтис, за неговата одлична работа, како и на сведоците кои ги поддржаа нашите ставови и аргументи пред судот: професорката Александра Јоаниду, професорот Константинос Цицеликис, како и на нашиот член Зиси Циглопулос.

Не би можеле да не го спомнеме и судијата кој ги отфрли барањата/тужби за забрана. Не толку затоа што го призна очигледното туку главно затоа што во еден период кредибилитетот на грчката правда е доведен во прашање и тој докажа дека постојат независни судии кои одлучуваат врз основа на законот и на нивната свест. За жал, иако долги децении, го живееме сосема спротивното, но сепак изгледа дека времињата се менуваат.

Центарот за македонски јазик во Грција ќе продолжи да делува за постигнување на своите цели, кои вклучуваат:

– Изучување на македонскиот литературен јазик од страна на граѓаните на Грција, преку интернет-страница.

– Поддршка на заложбите за идно воведување на македонскиот јазик како изборен предмет во јавните училишта (основни и среди) и универзитетите во Грција, кои се наоѓаат во регионите Западна Македонија, Централна Македонија, Источна Македонија и Тракија.

– Поддршка на заложбите за идно формирање на педагошки училишта/одделенија во рамките на постоечките универзитети во Грција за обука на наставници по македонски јазик, како и за изработка на наставни програми и наставни материјали.

Центарот за македонски јазик во Грција ги поттикнува и охрабрува говорителите на македонскиот јазик да ја продолжат борбата за своите човекови права. Напомнуваме дека сите материјали изработени од Центарот и поврзани со изучувањето на македонскиот јазик и понатаму ќе бидат достапни бесплатно на веб-страницата на нашата организација, како и на YouTube каналот. Македонскиот јазик е наше минато… и наша иднина, се велки во соопштението на Центарот за македонски јазик во Грција.

Print Friendly, PDF & Email
Tags: македонски јазикЦентар за македонски јазик Лерин.
Share33Tweet21Share
hbs

CIVIL MEDIA NEWSLETTER

Check your inbox or spam folder to confirm your subscription.

Uslovi
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • ЕКОНОМИЈА
  • ОПШТЕСТВО
  • СЛОБОДНА ЗОНА
  • ES-PRESS-O
  • ЕДИТОРИЈАЛ
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ЗА НАС
  • ИМПРЕСУМ
  • КОНТАКТ
  • УСЛОВИ ЗА КОРИСТЕЊЕ, АВТОРСКИ ПРАВА И ЗАШТИТА НА ПРИВАТНОСТА
  • МАРКЕТИНГ