Владата му префрлила 80 милиони денари на Собранието за кампањата за референдумот, но финансиите наменети за 41 отсто од пратениците ќе бидат неискористени и не може да се пренаменат, информираат од Собранието на Република Македонија.
Во соопштението се наведува дека по барањето на Собранието за одобрување на финансиски средства за кампањата за референдумот што ќе се спроведува од овластениот предлагач на Одлуката за референдум, Владата алоцираше средства во висина од 80 милиони денари, префрлени на посебната наменска сметка на Собранието на Република Македонија, која ќе се користи исклучиво за спроведување на кампањата за референдум.
Државата ќе им помогне на општините во враќање на затекнатите стари долгови, а со ребалансот во октомври ќе бидат алоцирани средства за трајно да се реши проблемот, изјави денеска премиерот Зоран Заев, одговарајќи на новинарско прашање за тоа како ќе се решаваат долговите на училиштата.
Град Скопје денеска организира јавна дебата за изградбата на гасоводот на Водно на која градоначалникот Петре Шилегов покани претставници на надлежните државни органи, како и граѓански здруженија кои покажаа загриженост поради проектот.
Генералниот секретар на Владата на Република Македонија Драги Рашковски, придружуван од државните секретари и претставници на ресорните министерства на Република Македонија, денеска одржа работна средба со државните секретари и претставници на министерствата од Република Бугарија, на која беше изразена подготвеност за интензивирање на соработката меѓу двете земји, соопшти владината прес-служба.
Малопродажната цена на бензините и дизелот од ноќеска на полноќ се зголемува од еден од 1,5 денар, одлучи Регулаторната комисија за енергетика.
А. Петровска
