На половина пат од 2018 година, со новинарот Томислав Кежаровски разговараме за актуелните политички случувања, очекувањата и надежите, како и за реалните состојби во општеството. Каде бевме на почетокот од годината, каде сме сега, што можеме и што треба да очекуваме во наредниот период?
Кежаровски истакна дека освен во делот на надворешната политика, одередени министри потфрлаат во многу работи, а особено директорите на агенциите и јавните претпријатија. Тој вели дека за тоа што досега направила Владата сведочат реакциите на граѓаните на социјалните мрежи.
„Искрено се сомневам дека овој дел од долго најавуваната реконструкција ќе направи некоја драстичен напредок во делот на работата, затоа што ако јас се прашувам треба реконструкцијата на Владата да трпи порадикални измени. Ќе речат, повеќемина од министрите воопшто не се на ниво на својата задача. Сметам дека со нивното назначување како да се втурнаа во таа работа воопшто неподготвени.“
Според Кежаровски, она што во суштина треба да се направи е само да се исполнат предизборните ветувања, ништо повеќе.
„Јас не очекувам дека преку ноќ ќе се исполнат ветувањата, како 30.000 денари плата, но ветувањата дека ќе се направи нешто во судството, во полицијата… тоа се главните очекувања. Не можеме да очекуваме, ниту ќе се направи нешто порадикално ако не се промени барем нешто во судскиот систем. Апсолутноста на истите судии, истиот начин на работа, освен што сега за волја на вистината обвинетите за многу сериозни кривични дела се бранат од слобода.“
Кежаровски на крајот додава дека оние судии кои што суделе, и обвинителите кои што биле втемелени во тефтерчињата на режимот, сега се предавачи на Академијата за обвинители, и дека на нив не им е местото во радиус од 500 метри до судовите, а не пак да подготвуваат млади кадри.
Перспективи 2.0 е продолжение на серијалот видео-интервјуа Перспективи 2018, каде експерти, професори, новинари, активисти и општествено одговорни граѓанки и граѓани зборуваат за надежите, очекувањата и состојбите во општеството, во текот на годината.
Новинарка: Биљана Јордановска
Обработка на текст: Ангела Петровска
Камера и фотографија: Дехран Муратов
Монтажа: Ермин Климента