Членовите на Европскиот парламент во вторникот ја избраа Германката Урсула фон дер Лејен за нов претседател на Европската комисија – со што стана првата жена на чело на највисоката позиција во Европскиот парламент.
Урсла фон дер Лејен се чини дека ги испишува страниците на историјата кога станува збор за застапеноста на жените во високата политика во Европа. Во 2013 година таа станува првата жена министерка за одбрана на Германија, од којашто позиција доаѓа на чело на европскиот парламент.
Родена е на 8 октомври 1958 година во Брисел, со германско и американско потекло. Таткото на фон дер Лејен, Ернст Албрехт е еден од првите европски државни службеници, и во 1971 година станува, претседател на владата на Долна Саксонија и потоа генерален директор на Европската комисија. Таа има една американска прабаба, главно од британско потекло, со повеќе далечни француски предци, и некои предци од она што се сега балтичките држави, како и од Империјална Русија. Семејството Албрехт се смета за едно од високите буржоаски семејства во Кралството Хановер – држава која била во заедница со Обединетото Кралство. Прадедото на Вон дер Лејен бил Карл Абрехт, трговец со памук, оженет со Марија Ладсон Робертсон (1883-1960), американка припадничка на семејство на јужната аристократија од Чарлстон, Јужна Каролина. Нејзините американски предци играле значајна улога во британската колонизација на Америка и трговијата со робови на Атлантикот.
На 13-годишна возраст, фон дер Лејен со семејството се селат од Брисел во Германија. Таа продолжува да студира економија на Лондонската школа за економија и подоцна медицина со специјализација по гинекологија во Хановер. Помеѓу 2001 и 2004 година таа извршува различни локални политички функции во регионот Хановер, а потоа беше избрана во државниот парламент на Долна Саксонија во 2003 година, пред да стане членка на кабинетот како министер за социјални работи, жени, семејни прашања и здравје. Во 1986 година стапува во брак со лекарот Хајко фон дер Лејен, член на семејството фон дер Лејен, кои свето богатство го стекнале со трговија со свила. Тој е професор по медицина и извршен директор на компанија за медицински инженеринг. Тие заедно имаат седум деца, родени помеѓу 1987 и 1999 година.
Семејството фон дер Лејен се лутерански припадници на Евангелската црква на Германија.
Германскиот и францускиот се мајчини јазици на Урсула фон дер Лејен. Таа, исто така, зборува течно англиски, откако живееше во комбинација пет години во Обединетото Кралство и САД. Таа е страстна јавачка на коњи и е вклучена во коњички натпревари.
Фон дер Лејен активно се вклучува во политика на возраст од 43 години и оттогаш е член на партијата на конзервативната Христијанска демократија (ЦДУ) на Меркел, и е нејзина блиска соработничка.
За време на нејзиниот мандат како министерка за одбрана на Германија, таа се соочи со обвинување на нејзиниот оддел за доделување сомнителни приватни договори поврзани со ангажирање две консултантски фирми, Меккинси и Акцентур, за коишто подоцна изјавува дека се направени неколку грешки во доделувањето договори и дека ќе се обиде да спречи повторно да се случи преку серија нови мерки.
Во 2014 година, фон дер Лејен воведе план од 100 милиони евра за да го направи Бундесверот попривлечен за регрутите, вклучително дневна грижа за деца на војниците и значителни зголемувања на надоместоци за вршители на потешките и покомплексни позиции. По неуспешната истрага на официјалните претставници на Бундесверот на постојаните извештаи за бруталност во набљудувачките ритуали, сексуално понижување и малтретирање во воена обука, фон дер Лејен во 2107 го отпушта командантот за обука на армијата, генерал-мајор Валтер Шпиндлер.
На 2 јули 2019 година, Урсула фон дер Лејен беше предложена од Европскиот совет како кандидат за претседател на Европската комисија. Таа беше избрана за претседател од Европскиот парламент на 16 јули, со апсолутно мнозинство од 383-327. Фон дер Лејен е првата жена на оваа функција и првиот претседател од Германија, од првиот претседател на Комисијата, Валтер Халштајн.
Д. Т.