Крајот на јули, почеток на август се очекува да се распишат локалните избори 2025, што би се одржале на 19 или 26 октомври. Во меѓувреме се очекува да се изгласа на пленарна седница Предлог -законот за измени и дополнувања на Изборниот законик.
Во меѓувреме во партиите калкулации, превирања, најави за нови коалиции.
Костадинов отпаѓа од игра, Куманово останува без надежта за жена градоначалник
Претседателот на СДСМ, Венко Филипче вчера на прес-конференција објави уште 11 имиња, кандидати за градоначалници на партијата за претстојните локални избори, како надополнување на претходната листа од 19 кандидати. Листите треба да се дополнат и да се потврдат од Извршниот одбор.
Струмичкиот градоначалник Костадина Костадинов нема да се трка за втор мандат, а за Филипче тој треба да се стави на располагање на партијата, како што таа сегоаш била тука за него.
Костадинов од своја страна изјави дека ја замрзнува својата припадност во СДСМ, со најава за ново интерпартиско делување по изборите. Неговата идеја за делување во или надвор од партијата е стратегија за привлекување на младите.
Втората одлука за кандидат за градоначалник во Општина Куманово да биде Мартин Костовски, ги фрли во вода надежите на актуелната советничка во Општината од редовите на СДСМ, Атина Мургашанска, за жена градоначалник во Куманово.
Мургашанска во интервју за ЦИВИЛ Медиа најави дека на листата на кандидати биле петтмина и дека е длабоко убедена дека кој и да се кандидира има големи шанси да победи бидејќи се работи за чесни кандидати без криминална позадина.
„Се надевам дека тоа ќе бидам јас и дека конечно, за прват во историјата Куманово ќе добие жена градоначалник“, изјави Мургашанска.
Што се однесува до Општина Кичево и коалицирање со ВМРО-ДПМНЕ, Филипче одговори дека е отворен за разговори.
ВМРО-ДПМНЕ сигурни во победата, ЗНАМ сигурни во поддршката од ВМРО
Иако листата на ВМРО-ДПМНЕ за кандидати за градоначалници за локалните избори во октомври уште не е комплетирана по објавените 33, премиерот Христијан Мицкоски ја искористи приликата да им посака, на СДСМ, успешен пораз.
Во недела ќе заседава Извршниот комитет, а утре ќе се разговара со ЗНАМ за начинот на коалицирање. Систематизиран пристап за локални избори има ВМРО, вели Мицкоски, а повеќе информации кога ќе се знае со кого ќе коалицираат.
ЗНАМ и овој пат амбициозно тргнува во изборна трка, на чело со актуелниот и дополнително кандидат за градоначалник на Општина Куманово, Максим Димитриевски.
До средината на јули ќе се знаат кандидатите на ЗНАМ, а Димитриевски е убеден дека сите ќе победат. Партијата недвојбено ќе ја поддржи ВМРО каде што ќе нема свои кандидати, а за коалиција со ВЛЕН уште не се знае иако соработката е позитивна. Или како што изјави Димитревски, учеството на изборите го усогласуваат со најголемиот владин партнер, а тоа е ВМРО-ДПМНЕ.
Во меѓувреме, за да кандидатурата му биде без ниедна дамка, кумановското обвинителство се откажа го гонење на Димитриевски за „злоупотреба на службената положба“.
Можни коалиции во албанскиот блок
ВЛЕН излезе со листа на кандидати за градоначалници, иако и нивната треба да се докоплетира. Билал Касами повторно ќе се кандидира за градоначалник на Тетово, а Висар Ганиу за Чаир.
ВЛЕН нема да коалицира со ВМРО-ДПМНЕ за овие избори. Сепак, можна е меѓусебна поддршка за вториот круг на изборите.
Што се однесува до Европски фронт, ЗАЕДНО( BASHKË) со Алијанса за Албанците на Арбен Таравари, заеднички ќе настапат, како коалициони партнери, на локалните избори. Како што дознава PressOnline.al, од партиски извори, постигнат е политички договор за поделба на општините.
На локалните избори ќе се гласа во 80 општини и Град Скопје, во вкупно 3480 избирачки места.
Б. Јордановска
