Тврдењето на Москва дека постои „реална“ опасност од избивање на Трета светска војна значи дека Русија ја губи војната против Украина, ја пренесува Укринформ објавата на Твитер украинскиот министер за надворешни работи Дмитро Кулеба.
„Русија ја губи последната надеж да го исплаши светот да не ја поддржи Украина. Така зборувањето за „реална“ опасност од Третата светска војна. Ова само значи дека Москва го чувствува поразот во Украина. Затоа, светот мора да ја удвои поддршката на Украина за да победиме и да ја заштитиме Европска и глобална безбедност“, напиша тој.
Russia loses last hope to scare the world off supporting Ukraine. Thus the talk of a ‘real’ danger of WWIII. This only means Moscow senses defeat in Ukraine. Therefore, the world must double down on supporting Ukraine so that we prevail and safeguard European and global security.
— Dmytro Kuleba (@DmytroKuleba) April 25, 2022
Претходно рускиот министер за надворешни работи Сергеј Лавров изјави дека испораките на западно оружје за Украина значат дека НАТО сојузот е „всушност вклучен во војната со Русија, и денеска постои „реална“ опасност од избивање на Трета светска војна и дека таа „не може да се потцени“.
– НАТО е, всушност, ангажиран во војната со Русија преку посредник и го вооружува тој медијатор. Војна е војна, истакна меѓу другото рускиот министер.
Лавров предупреди да не се потценуваат ризиците од нуклеарен конфликт.
Русија настојува да ја отстрани заканата од нуклеарна војна, тврди рускиот шеф на дипломатијата Сергеј Лавров. Тој предупреди дека заканата од трета светска војна навистина постои и е сериозна.
– Русија настојува да ја отстрани заканата од нуклеарна војна и покрај големите ризици во овој момент, изјави Лавров синоќа за руската државна телевизија.
Околу тензиите меѓу Русија и Западот поради руската офанзива на Украина, Лавров подвлече дека „опасноста од трета светска војна е сериозна и не смееме да ја потценуваме“.
Како што пренесуваат странските агенции, тој го обвинил украинскиот претседател Володимир Зеленски „за глумење дека преговара“.
– Тој е добар глумец. Ако внимателно гледате и читате што зборува, ќе забележите илјада противречности, рече Лавров.
Руската инвазија на Украина, најголемиот напад на европска држава од 1945 година, остави илјадници мртви или повредени, претвори градови во урнатини, принуди над пет милиони лица да побегнат во странство.
Подготви: Д.Мишев
