Уште една потврда за успешноста на економските политики на Владата предводена од СДСМ дојде од Меѓународниот монетарен фонд. ММФ ги подобри проекциите за македонската економија и предвидува економски раст од 2,5 проценти за оваа 2023 година, вели Богданка Кузеска, портпаролка на СДСМ.
-Проекциите за наредната година се дека македонската економија ќе расте за 3,2 проценти и овие проекции се на иста линија со проекцијата на Владата.
-Со преземените мерки и политики во изминатиот период, македонската економија во тешки услови на глобална економска и енергетска криза и нарушени синџири на снабдување, е отпорна и остварува раст.
-Секако пред нас има се уште предизвици, но мерките и политиките се потврдува дека даваат очекуван резултат.
-Исто така инфлацијата во земјава продолжи да се намалува. Во септември инфлацијата падна на 6,6 проценти, што се должи на мерките преземени од Владата предводена од СДСМ во изминатиот период.
-Ова е најниска стапка на инфлација во последните 20 месеци и таа ќе продолжи да опаѓа.
-11 последователни месеци инфлацијата се намалува и тој тренд ќе продолжи до крајот на годината, кога се очекува да се спушти под 5 отсто.
-Наредната година инфлацијата да се врати на стапките од 2-3 проценти, како пред кризата.
-СДСМ, како одговорна партија продолжува со грижа за сите граѓани, продолжува да презема конкретни мерки и чекори што значат економски раст од една страна и заштита и унапредување на животниот стандард од друга.. вели Кузеска.
