Македонските поети Јулијана Величковска и Митко Гогов ќе настапат на 13-тото издание на меѓународниот фестивал „Софија: Поетики“, во Бугарија.
Фестивалот ќе се одржи од 16-ти до 17-ти јуни, а на него покрај домашните поети ќе настапат и поети од Велика Британија, Германија, Словенија, Косово, Унгарија и Романија.
Македонските поети ќе настапат во сабота на отворањето на фестивалот во паркот „Кристал“ и в недела на затворањето, каде што посетителите ќе можат и да им поставуваат и прашања. (МИА)
