Францускиот претседател Емануел Макрон изјави дека на Франција не и треба руски гас и дека ќе продолжи да се залага за санкции за испораките на руски гас, изјави Макрон за Франс 5, пренесува Укринформ.
„Европа зависи од рускиот гас, но на Франција не и треба“, рече Макрон, додавајќи дека неговата земја работи на купување гас од други пазари.
Францускиот лидер истакна дека неговата земја ќе продолжи да промовира санкции за испораките на руски гас.
Макрон, исто така, ги негираше информациите дека на негова иницијатива е одложено прашањето за ембаргото на руската нафта до крајот на претседателските избори во Франција. Ембаргото е блокирано од друга нација, рече Макрон, без да го именува.
„Европскиот пазар е меѓусебно поврзан, а Европа зависи од рускиот гас“, рече Макрон, коментирајќи го ова прашање.
Истовремено, рече тој, Европејците треба да престанат да купуваат нафта и гас од Русија за „да ја ослабат способноста на Москва за борба“.
Раководството на ЕУ размислува за воведување ембарго на испораките на руска нафта, што ќе биде еден од најсилните удари за руската економија, која веќе е масовно погодена од санкциите поради војната во Украина предводена од Кремљ.
Подготви: Д.Мишев
