• Latest

Меѓу руската салата, чоканчето и судското чеканче

January 13, 2020

ДКСК: Само 35 отсто од учесниците на локалните избори поднеле финансиски извештаи на 11-от ден од кампањата, согласно Изборниот законик

October 14, 2025

Почина Владимир Блажев – Панчо од ДНК, 65 жртва на пожарот во „Пулс“, ОЈО ќе бара обдукција

October 14, 2025
Креирано со помош на ВИ

Кремљ се заканува дека Молдавија ќе ја доживее судбината на Украина, Санду предупредува на руски хибридните закани за ЕУ

October 14, 2025
Фото: Андрей Романенко / commons.wikimedia.org

„Вучиќова банка“ влезе во Македонија: Алта банка од Белград ја презеде Стопанска банка – Битола

October 14, 2025
Фото: Скриншот од Х видео

Фон дер Лајен најави отворање „фабрики за вештачка интелигенција“ во Северна Македонија и во Србија

October 14, 2025

Кампања: ВМРО-ДПМНЕ во Пробиштип, Кратово, Ранковце и Крива Паланка, СДСМ во Сарај и Чаир, Новаци, Ресен и Битола

October 14, 2025

Европскиот парламент бара нова стратегија за родова еднаквост и признавање на фемицидот како кривично дело

October 14, 2025

Мир 2025: Потпишан договорот за прекин на огнот во Газа

October 13, 2025
Фото: Здружение Иницијатива за правата на жените од Шуто Оризари

Жените во Шуто Оризари „гласаа“: Бесплатно здравје за сите

October 13, 2025

Трагедијата во Кочани ја зема 63-та жртва: Во притвор почина осомничениот инспектор Владо Петров

October 13, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ТЕЖИШТЕ

Меѓу руската салата, чоканчето и судското чеканче

Груевски креваше згради во воздух, тепаше, затвораше, прогонуваше и убиваше како ќе му текне, а предметите против неговиот режим се уриваат со евтини фори и фазони.

January 13, 2020 17:49
in ПРАВДА, СЛОБОДНА ЗОНА, ТЕЖИШТЕ
Share on FacebookShare on Twitter

пишува: ЏАБИР ДЕРАЛА

Падна и ТНТ, случајот за уривањето на комплексот Космос на Фиат Цаноски, кој своевремено Груевски со уживање го крена во воздух – од политичка одмазда. Причината е тривијална – поротничката поднела оставка. Судбината на предметите што своевремено ги започна (сега покојното) СЈО, редовно зависи од триковите на одбраната. По падот на ТНТ, сега во неизвесност се и судските предмети Талир, Монструм, Топлик и Тендери, бидејќи истото лице е поротник во сите пет случаи.

И што сега? Помал дел од јавноста ќе фати да ја коментира оваа најнова остра кривина во која влегува и овој случај поврзан со злоделата на режимот. Овде онде, ќе прочитаме прашања за тоа кој, како и зошто ги назначува поротниците, па дали има дефицит од поротници и друг персонал, па ќе се трага по извори на некаков заговор… За повеќето луѓе, ова ќе биде само уште еден вообичаен ден на нереформираното судство, среде сезоната на руски салати, вина и ракии.

Сите се фатени во стапицата меѓу дигестивниот тракт и очекувањето на правдата. Меѓу руската салата, чоканчето и судското чеканче. За тоа време, медиумско-пропагандната машина ги фрагментира настаните и судските процеси, насочувајќи го вниманието кон, сепак, неважни детали. Од друга страна, токму тие неважни детали се таа огромна, здодевна смеса со блуткав вкус што им се сервира на луѓето секој ден.

Сите на кои барем малку им е важно тоа што остана од децениската потрага по правдата, станаа експерти за лавиринтите во кои се наоѓаат судските предмети за криминалците од режимот. Секој ден се изненадуваме (сѐ помалку) од тоа како, всушност не функционира правосудниот систем. Ако некогаш, истото тоа судство, експресно издаваше налози за апсење, притвори, судеше по кратка постапка и испраќаше десетици луѓе во затвор, сега се сопнува од запирки и штембили.

Триковите и изговорите, отсуствата, боледувањата, запирките и грешките на споредните служби станаа главен стожер на одбраната на злосторничкото здружение. Со трикови против правдата… И така се сторија три години. Се купува секоја минута, со пари, со трикови, со стари сметки, со нови ветувања, со закани… Важно да се дотурка до изборите, па ако се извојува победа, сѐ ќе оди во неврат.

Ако се изгубат изборите, има време, подземната берза на влијанија работи со полна пареа целово ова време. Секако, и будали има доволно – ако треба, ќе се организира и некој 27-ми април ако треба, па нека е тоа и во мај или јуни, гледаш како лесно поминуваат тие што го напаѓаат Собранието? Гледаш колку е лесно? Груевски креваше згради во воздух, тепаше, затвораше, прогонуваше и убиваше како ќе му текне, а предметите против неговиот режим се уриваат со евтини фори и фазони.

Јавноста со право го губи интересот. Не се важни изговорите и начините на кои итроманите успеале по којзнае кој пат да го изиграат системот. Важно, правдата сѐ уште не е задоволена. Измамата е измама, без оглед на тоа во колку нијанси е исплетена. Затоа, детали, благодарам – не! Кога ќе решите да делите правда, јавете се, да вклучам телевизор.

Во меѓувреме, дечко, дај уште една дупла! Салата, де!

 

ПС. Од сите салати, руската не е спомната случајно.

 

 


Сите права се задржани.  Услови за користење, авторски права и заштита на приватноста.

Print Friendly, PDF & Email
Share33Tweet21Send

НАЈЧИТАНИ 5

  • Колегите од Неврологија во одбрана на Кузмановски по скандалот со кокаин: „Наместо осуда – сочувство и достоинство“

    116 shares
    Share 46 Tweet 29
  • Вучиќ, со „нож во грбот“од Ердоган, го врти другиот образ: Од обнова на Отоманската империја до „пријатели и партнери“

    108 shares
    Share 43 Tweet 27
  • Андонов: Имаме многу необразовани членови во политичките партии, дел од тие стануваат и функционери

    94 shares
    Share 38 Tweet 24
  • Семејни пат’ридии

    90 shares
    Share 36 Tweet 23
  • „Не бараме одмазда, бараме правда“ – протест на Ромите во Виница за претепаниот советник Умут Скопко

    90 shares
    Share 36 Tweet 23
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ