Министрите за финансии на Групата 20 развиени и земји во развој се договорија за заедничка финална изјава на нивниот состанок во јужноафриканскиот град Дурбан, за првпат откако американскиот претседател Доналд Трамп го почна својот втор мандат.
Во документот, објавен денеска од јужноафриканското претседателство, е постигната согласност клучните предизвици за глобалната економија.
Тие вклучуваат тековни војни и конфликти, трговски спорови, нарушувања на глобалните синџири на снабдување, високи нивоа на долг и природни катастрофи, кои, според документот, влијаат на економскиот раст, финансиската стабилност и стабилноста на цените.
Министрите за финансии на Г20 се состанаа неколку пати од почетокот на годината, но не успеаја да се договорат за заедничка изјава на претходните самити.
Самитот на шефови на држави и влади на Г20 е закажан да се одржи во јужноафриканската метропола Јоханесбург. Групата вклучува 19 земји, Европската Унија и Африканската Унија.
