Во тек е панелот на ЦИВИЛ на тема „Младите за мултикултурализмот и (не) дискриминацијата“, на кој се зборува за младите и нивното спознавање на мултикултурализмот, институционалната застапеност, (не)дискриминацијата на општествено и институционално ниво.
Учесници на панелот се Селва Мустафи од „Романо Авази“, Сотир Габелоски Советник во Општина Крушево, Дино Блажески УМС на ВМРО-НП. Панелот го модерира Дијана Тахири, ЦИВИЛ.
„Македонија е мултикултурна држава. Има доста предизвици за кои треба да се разговара. Не само за предизвиците, туку кои се тие и кои се решенијата за таквите предизвици и проблеми. За разлика од минатото можам да кажам дека постои доза на подобрување во сферата на мултикултурализмот. Младите некако повеќе ја сфаќаат важноста за тоа колку е важно да имаме меѓусебна толеранција, туку и да ги знаеме вредностите на другата заедница“, изјави Селва Мустафи.
Според Дино Блажески од УМС на ВМРО-НП, во моментот нема идеален поглед кон мултикултурата иако младите знаат што претставува мултикултурализмот во државата.
„Градењето на довербата меѓу етничките заедници во Македонија е едне подолг процес, особено ако знаеме дека пред 20 години имаше конфликт кој и дотогашната кревка меѓуетничка солидарност ја скрши и сè уште треба да помине уште време сето тоа се излечи и да се доведе до некој степен на нормални односи меѓу етничките заедници“, смета Блажески.
Блжески смета дека политички партии имаа претстава во која насока се движи мултикултурализмот во државата. Како што вели политичките партии се приспособени на оваа ново време, иако од партија до партија идеолошки се разликуваат погледите кон мултикултурализмот.
„Мултикултурализмот и соработката меѓу различни етникуми е суштината на нашата држава и суштината на опшстанокот на македонија и ние мора тоа да го негуваме. Би требало ние како млади да го водиме тој процес, но мислам дека има уште многу засегнати фактори коишто мора да се вклучат за да го зајакнуваме овој дел од нашето живеење и целосно да ги видиме бенефитите од меѓусебната соработка, разбирање и секојдневна комуникација“, изјави Сотир Габелоски, советник во Општина Крушево.
За состојба со присуството на дискриминација во нашето општесто Мустафи смета дека таа најмногу е присутна кон ромската заедница во однос на другите етнички заедници во земјата.
Блажески, пак смета дека и во однос на дискирминацијата и Рамковниот договор ги вади своите проблеми на виделина, во контекст на нееднаквоста на младите, како најголем проблем во моментот.
Според Габелоски, дискриминацијата постои кон сите етнички заедници некаде повеќе, некаде помалку, наведувајќи дека ако се земе примерот со Власите, кај нив најмногу е проблемот со самоцензурата, односно да не се декларираат отворено, да не го користат влашкиот јазик…