Ленче Здравкин и Омер Калеши се овогодинешните добитници на државната награда „Мајка Тереза“.
Одлуката на Одборот донесена на крајот на минатиот месец е објавена во Службениот весник на Република Македонија, објавува порталот Дума.
Оваа награда, на овогодинешните добитници ќе им биде доделена на свеченост во Собранието на Република Македонија, на 26 август.
Наградата е доделена врз основа на значајни остварувања од интерес на државата, во областа на хуманоста и човековата солидарност и за поттикнување и унапредување на меѓусебното разбирање и развојот на соработката како помеѓу народите така и помеѓу припадниците на различните заедници, култури и вери.
А.П.