На 11 октомври рускиот диктатор Владимир Путин го посетува Туркменистан за да учествува на меѓународен форум посветен на 300-годишнината од истакнатиот туркменски поет Магтимгули Пирагија.
Народот на Туркменистан треба да се потсети на историјата и сите жртви на империјализам на Кремљ, објави украинскиот Центар за стратешки комуникации на својот Фејсбук профил..
– Путин е воен злосторник. Има издаден налог за негово апсење од страна на Меѓународниот кривичен суд за незаконско присилно преместување на украински деца во Русија.
– Меѓународната изолација, во која се најде Путин и Русија во целост, е праведна реакција на светот на неиспровоцираната агресија против Украина и нејзиниот народ.
– Украина ги повикува сите земји кои ги споделуваат хуманистичките вредности, го почитуваат меѓународното право и Повелбата на ОН, да се воздржат од заеднички настани со учество на Путин.
– Хармонични меѓународни односи и продуктивна соработка помеѓу земјите се можни само во свет каде владее правото, а не правото на сила.
– Народите на Украина и Туркменистан во минатото беа жртви на рускиот империјализам, кој денес е официјална идеологија на режимот на Путин, стои во соопштението на Центарот за стратешки комуникации на Украина.
Украина изрази надеж дека раководството на Туркменистан е целосно свесно дека рускиот претседател Владимир Путин е воен злосторник со налог за апсење на Меѓународниот кривичен суд (МКС) против него за незаконска присилна депортација на украински деца во Русија, соопшти Министерството за надворешни работи на Украина пред планираната посета на Путин на Туркменистан во петок, 11 октомври, пишува Укринформ.
„Украина се надева дека раководството на Туркменистан сфати дека Путин е воен злосторник по кого Меѓународниот кривичен суд (МКС) издаде налог за апсење за незаконска депортација и трансфер на украински деца од окупираните области на Украина во Руската Федерација. Ова е само едно од целата серија на злосторства на раководството на Кремљ, Путин и неговите соучесници се одговорни за злосторството агресија врз Украина, воени злосторства, злосторства против човештвото, геноцид, убиства, тортура, силување, грабежи, гранатирање на цивилна инфраструктура. и други злосторства извршени од страна на руските окупатори на територијата на Украина.
Министерството дополнително нагласи дека руските окупатори продолжуваат со секојдневните брутални напади врз украинските градови и села, предизвикувајќи големо уништување на цивилната инфраструктура и одземајќи цивилни животи.
„Ги повикуваме сите земји кои го ценат човечкиот живот, го почитуваат меѓународното право и Повелбата на ОН да се воздржат од одржување заеднички настани со учество на Путин, кој започна војна во Европа од размери невидени од Втората светска војна и чии раце се во крв до лактите“, додаваат од Министерството.
Драган Мишев
