ВЕСТ НА ДЕНОТ: Владата ја усвои Националната програма за усогласување со правото на Европската Унија – НПАА 2021-2025
Владата ја усвои Националната програма за усогласување со правото на Европската Унија – НПАА 2021-2025, која што е целосно преструктуирана според новата кластерска методологија за пристапни преговори, изјави вицепремиерот за европски прашања Никола Димитров на денешната прес-конференција посветена на Националната програма за усогласување со правото на Европската Унија.
– Програмата ќе се претстави и следи и во Собранието. Треба да докажеме дека имаме стабилна демократија и дека ориентацијата и динамиката нема да ја менуваме со секои избори, изјави Димитров.
НПАА ги дефинира стратешките правци, приоритетите, динамиката и потребните ресурси и активностите за прилагодување на националните институции кон европските административни структури. Нејзината подготовка е со активно учество на околу 800 државни службеници од преку 150 државни институции.
ИЗЈАВА НА ДЕНОТ: Милановиќ: Неморално е да оспорувате нечиј јазик, тоа е идентитет на еден народ
Хрватскиот претседател Зоран Милановиќ на заедничка прес конференција со претседателот на Северна Македонија Стево Пендаровски, ја искоментира изјавата на државната секретарка за европски прашања на Португалија, Ана Паула Закаријаш во однос на македонскиот јазик.
– Во врска со внатрешни прашања на земјите, можам да одговорам и со поставување на аналогија на проблемот во кој се најде Македонија. Што ќе се случи ако Хрватска го доведе во прашање црногорскиот или бошњачкиот јазик, кои се блиски јазици и на кои се разбираме, а како посебни јазици ги прифативме пред некоја деценија. Па се разбира, не може да се одрекне правото на еден народ на свој јазик. Неморално е да оспорувате нечиј јазик, нечиј идентитет. Јазикот е идентитетот на еден народ. Погрешно е да се влегува во идентитетски прашања за еден народ, држава. Европската Унија е заедница на народи, на посебни идентитети. Таа изјава на португалската министерка би можел да кажам дека е резултат на незнаење и невнимателност, но мора да се биде внимателен. Тоа пак, прашање, е неважно за Португалија. Еве, јас не би коментирал прашања кои се поврзани со некои односи на Шпанија кон Португалија. Или за прашања меѓу Бугарија и Романија. Македонците се нација, па не станавте нација сега. Што побрзо ги сфатиме тие работи, ќе бидеме поблиску до европските вредности, ја иско хрватскиот претседател Зоран Милановиќ во Загреб ја искоментира изјавата на државната секретарка за европски прашања на Португалија, Ана Паула Закаријаш во однос на македонскиот јазик. изјави Милановиќ.
ФЛЕШ ВЕСТИ
ПРЕСПА ФОРУМ ДИЈАЛОГ На 1-ви и 2-ри јули во Охрид и Отешево ќе се сретнат лидерите на државите од регионот со највисоките претставници од Европа и САД. Низ големиот број на панел дискусии, панелистите ќе се осврнат на носечката тема на конференцијата „Западен Балкан: Делот што недостига за Европа да биде целосна”, соопштија од Влада.
ОБРАЗОВАНИЕ Од МОН најавуваат целосно отворање на училиштата од септември со задолжително носење маски, дезинфекција и мерење на температура
СОБРАНИЕ СДСМ од денеска има пратеник плус во Собранието, односно пратеничката група на партијата. Пратеникот од ДОМ, Мирослав Богдановски поднесе оставка од функцијата, констатирана и потврдена и од страна на ДИК.
ИМУНИЗАЦИЈА Од денеска во вакциналните пунктови низ државата започна да се аплицира вакцината на кинескиот производител „Синовак“, откако ги помина сите потребни законски процедури. „Вакцинацијата со „Синовак“ се одвива скоро во цела држава, освен во Скопје и Битола, каде имунизацијата со оваа вакцина ќе започне од утре.
ЦИВИЛНИ АКТИВНОСТИ
ЦИВИЛ со европски перспективи во Струга и Кичево
ЦИВИЛ ги повикува сите граѓанки и граѓани, своите членови, поддржувачи, активисти да ги посетат инфо –штандовите на ЦИВИЛ, утре во Струга и Кичево, посветени на промоција на европските вредности, недискриминацијата и мултикултурализмот.
Граѓанките и граѓаните заеднички со тимот на ЦИВИЛ, во директна комуникација, ќе имаат можност да ги споделат своите размислувања и ставови во однос на европските вредности, мултикултурализмот и недискриминацијата.
Освен информативен материјал за проектните активности на проектот „Европски перспективи ( следно ниво)“ граѓанките и граѓаните ќе можат да се информираат и за другите компоненти на овој сеопфатен и комплексен проект.
Инфо-штандовите се дел од проектот „Европски перспективи“ што ЦИВИЛ го спроведува со поддршка на Министерството за надворешни работи на Сојузна Република Германија.
КОМЕНТАР
За секоја точка со барања од страна на Република Бугарија треба да има реципрочно барање од страна на Република Македонија. Тоа се вика реципроцитет. Реципроцитетот мора да се примени во билатералното договарање. Во спротивно не е веќе договарање туку облик на ултиматум“ коментира Мирјана Најчевска на својот Фејсбук профил.
Д. Тахири
