ДРАГАН МИШЕВ
Додека во првите 100 дена од вториот мандат Трамп доживува фијаско, а својот неуспех да ги испорача ветувањата со кои ќе ја направи Америка повторно голема (царините донесоа повеќе штета од корист, ролокостер на берзите, не успеа да ја реши руската војна во Украина, како што вети, за 24 часа откако ќе стапи на власт), го сведува на телевизиско ријалити шоу, сега американскиот претседател се сети како на широките народни маси (негови поддржувачи) да им продаде една нова утописка идеја и да уфрли свежа крв во арената, која е час циркуска, час гладијаторска.
Oвa e толку типична Трамповска идеја што е вистинско чудо како претседателот порано не се сетил да го направи тоа. Макар и да го претвори во огромна коцкарница.
Сега, филувано со наративите на епската борба со криминалци, бандити, емигранти, и секако, неговата најболна точка, непослушните судии кои не му дозволуваат до крај да ги исполни своите диктаторски амбиции, додека самиот вели дека не е сигурен дека ќе го почитува уставот, Трамп преку социјалните мрежи најави повторно отворање на затворот Алкатраз. Според него, „Карпата“ ќе служи како симбол на закон, ред и правда со кој ќе ја направи Америка повторно голема!
REBUILD, AND OPEN ALCATRAZ! For too long, America has been plagued by vicious, violent, and repeat Criminal Offenders, the dregs of society, who will never contribute anything other than Misery and Suffering. When we were a more serious Nation, in times past, we did not hesitate… pic.twitter.com/u1jOCMXeW5
— Donald J. Trump (@realDonaldTrump) May 5, 2025
Замислете го сега повторно отворениот култен затвор и како над целото здание блештат огромни дречливи неонски букви МАГА.
Лудилото може да продолжи и понатаму, како што тргнал, ќе му текне дека можеби наскоро ќе му треба место за да се сместат сите негови неистомисленици и ете уште една можност за добра бизнис зделка на претседателот-претприемач.
Градиме затвори, ја правиме Америка повторно голема. Битно се гради.
За жал, повеќе не е ни смешно.
