Претседателката на Молдавија, Маја Санду, која се залага за ЕУ, е на пат да го освои вториот мандат по клучниот втор круг на претседателските избори кој се смета за избор меѓу Европа и Русија, откако Александр Стојаногло, кој беше поддржан од проруската Партија на социјалистите и вети поблиски односи со Москва, рано го презеде водството, пренесува Би-би-си.
Според ажурираните податоци на Централната изборна комисија , со преброени речиси 98 отсто од гласовите, Санду е во водство со 54,19 отсто од гласовите, а со резултатите што сè уште доаѓаат од гласањето за иселениците,се очекува да ја зацврсти својата предност, наспроти освоените 45, 81 отсто гласови на Стојаногло.
За време на гласањето, советникот за национална безбедност на претседателот рече дека имало „масовно мешање“ од Русија во изборниот процес во Молдавија што имало „висок потенцијал да го наруши исходот“.
Русија веќе негираше дека се меша во гласањето, кое дојде една недела по уште едни клучни источноевропски избори во Грузија, чиј претседател рече дека тоа биле „руска специјална операција“.
Како што беа затворени гласачките места, и Маја Санду и нејзиниот ривал им се заблагодарија на гласачите, при што Стојаноглу зборуваше на руски и романски. Иако романскиот е главниот јазик на Молдавија, рускиот е широко распространет поради неговото советско минато. Александр Стојаногло, кој беше разрешен од функцијата главен обвинител од Санду, негираше дека е про-Кремљ.
Гласањето заврши во Молдавија во 21:00 часот (19:00 часот по Гринич), со излезност од 54%, поголема од пред четири години, а особено висока кај иселениците гласачите на избирачките места во странство.
Додека Санду го претекнуваше својот предизвикувач, имаше навивање во нејзиниот изборен штаб и скандирања „победа“.
Нејзиното водство се очекуваше да стане уште појасно штом ќе дојдат резултатите од САД, како и од ЕУ. Конечниот резултат ќе биде објавен во понеделник.
Стојаноглу особено добро котираше во руралните области и на југот, додека Санду беше во предност во градовите и во странство, објавија молдавските медиуми. Санду апелираше откако гласаше за Молдавците да ја зачуваат својата независност, предупредувајќи на „крадците“ кои се обидоа да го купат нивниот глас и нивната земја.
Претседателскиот советник за национална безбедност Станислав Секриеру рече дека Русија организирала автобуси и големи чартер летови за да ги донесе гласачите на избирачките места.
Страшувањата од бомби накратко го прекинаа гласањето во Молдавија, на избирачките места во ОК во Ливерпул и Нортхемптон и во Франкфурт и Кајзерслаутерн во Германија, додаде тој. Изборната комисија на Молдавија соопшти дека е запознаена со извештаите за организиран и нелегален транспорт на гласачи по воздушен и копнен пат во Русија , Белорусија, Азербејџан и Турција и апелираше до јавноста да пријави дополнителни прекршувања.
Иако Санду лесно победи во првиот круг од гласањето, неколку кандидати застанаа зад Стојаногло, иако третопласираниот кандидат одби да поддржи ниту еден од двајцата.
Првиот круг се совпадна со референдумот за поддршка на промената на уставот со определбата за пристапување во ЕУ. На крајот гласањето помина со мала разлика за, а Маја Санду рече дека има јасни докази за обиди да се купат 300.000 гласови.
М. Д.
