• Latest

Од Гранада позитивни сигнали за пристапувањето на земјите од Западен Балкан во ЕУ

October 6, 2023
Фото: Креирано со помош на ВИ

Москва е подготвена да му даде азил на Маск ако затреба поради расправијата со Трамп

June 6, 2025
Фото: МИА

Кошта посочи дека ЕУ ќе го казни Израел за војната во Појасот Газа

June 6, 2025
Фото: Скриншот

Белградскиот Основен суд ја отфрли иницијативата за лишување на Вучиќ од деловна способност, но утврди елементи на кривично дело

June 6, 2025
Фото: МИА

ЕУ со поддршка за Меѓународниот кривичен суд по санкциите од САД

June 6, 2025
Фото: Креирано со ппомошна ВИ

Односот Трамп-Маск се распаѓа со меѓусебни навреди и закани

June 6, 2025
Трагедија во кочанската дискотека Пулс, 16 март 2025 (фото извор: скриншот од снимка на ТВ Кочани)

Од Клиничкиот центар во Белград отпуштени последните два пациента поврдени во пожарот во Кочани

June 6, 2025

Усвоен план за подобро справување со сајбер напади и кризи во ЕУ

June 6, 2025
Семејна фотографија од министрите за одбара во НАТО Фото: НАТО

Министрите за одбрана на НАТО дефинираа нови цели за капацитети за зајакнување на Алијансата

June 6, 2025
Војо Маневски

Дали да гласа дијаспората не е вистинското прашање

June 6, 2025
Фото: Скриншот

Зеленски: Русија мора да биде повикана на одговорност, светот мора да изврши притисок за крај на војната

June 6, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ВЕСТИ

Од Гранада позитивни сигнали за пристапувањето на земјите од Западен Балкан во ЕУ

October 6, 2023 08:53
in ВЕСТИ, СВЕТ
Share on FacebookShare on Twitter

По многу години, сега на агендата како тема го имаме проширувањето на Европската Унија. Продолжувањето на европските интеграции е клучно, постојат позитивни сигнали за пристапувањето на земјите од Западен Балкан во ЕУ. Шпанија силно стои зад Северна Македонија за членство во ЕУ. Треба побрзо да ги почувствува придобивките од членството во ЕУ. Ова се пораките од третиот состанок на Европската политичка заедница во Гранада, Шпанија, каде учество зема и премиерот Димитар Ковачевски, заедно со лидерите од вкупно 47 земји, од кои 27 земји-членки на Европската Унија, Западен Балкан, Швајцарија, Норвешка и Исланд, како и Азејберџан, Грузија, Турција и Украина.

Ковачевски од Гранада порача дека по многу години, сега на агендата како тема го имаме проширувањето на Европската Унија и дека ова е исклучително важен состанок со сите земји во Европа. Тој, посочи дека Северна Македонија се наоѓа во одлична позиција со оглед на тоа дека минатата година ги отпочна преговорите со ЕУ, додека во Унијата веќе е отпочнат процес на прилагодување на функционирањето на повеќе земји членки.

Треба да знаеме дека во текот на нашиот евроинтеграциски пат имаме преземено и ние обврски, има преземено и ЕУ обврски и тоа се обврски коишто ќе треба да ги исполниме. Се друго е залажување

– Мислам дека ние се наоѓаме во одлична позиција со оглед на тоа дека минатата година ги отпочнавме преговорите со ЕУ. Од друга страна, ЕУ има стратешки интерес и веќе отворен процес за свое прилагодување коешто е паралелен во однос на тоа дека ќе треба да функционира во иднина со земји кои што имаат поголем број од сегашниот што значи дека ќе постои динамика и на страната на земјите кандидати за членство, пред се мислам на земјите од Западен Балкан, вклучително и на Северна Македонија, меѓутоа и динамика внатре во ЕУ во однос на прилагодување на функционирањето на повеќе земји членки, изјави Ковачевски.

Северна Македонија, посочи Ковачевски, според мене, меѓутоа и според сите оценки е земја лидер на Западен Балкан во делот на пристапувањето во ЕУ.

– Иако ги погледнете перформансите на нашите усогласувања досега ние веќе имаме над 45 проценти усогласеност на нашите законодавства со законодавството на ЕУ. Најголемиот дел од нашите институции се веќе усогласени со начинот на организација и функционриање на институциите на ЕУ и секако дека Северна Македонија е дел од земјите коишто ќе бидат вклучени во делот на проширувањето на ЕУ, изјави Ковачевски на вчера на прес-конференција од Гранада, Шпанија.

Како што јави специјалниот известувач на МИА од Гранада, тој изрази уверување дека доколку ги направиме потребните одлуки во текот на оваа година, не само што, како што кажа, „ќе го отвориме првиот кластер туку ќе бидеме во можност да затвориме едно или две поглавја од првиот кластер од Преговарачката рамка“.

Ние претседаваме со ОБСЕ во најтешката година, како што сите сме свесни за тоа и нашето претседателство прави се што може за Организацијата да продолжи да биде најважната организација за безб

Според него, многу е важно што овој самит на ЕПЗ се случува ден пред неформалниот Совет на ЕУ, на кој присуствуваат лидерите на сите земји членки на ЕУ, со сите други земји од Европа и на состанокот кој се одржува денеска исто во Гранада на кој лидерите од ЕУ ќе започнат дискусии за приоритетите на Унијата во следните години, односно ќе дискутираат со цел да ја подготват стратешката агенда на ЕУ за годините кои следат.

-По нашите дискусии денес, тие утре ќе разговараат за проширувањето како стратешка определба на ЕУ, како и за внатрешната реформа во насока на тоа проширување, односно за реформа која ќе овозможи Унијата да фунцкионира со нови земји членки кои ќе пристапат во периодот пред нас до 2030 година. Оттука, за нас како земја, но и за целиот регион на Западен Балкан, Европската политичка заедница како платформа е исклучително значајна. По самитот во Кишињев и првиот кој се одржа во Прага, денес овде во Гранада, повторно имаме можност и ние и останатите земји кои се дел од процесот на пристапување, да се вклучиме во дел од тие разговори денес и тоа преку учество на работни маси и билатерални средби на маргините на овој самит со премиерите на другите држави, рече вчера Ковачевски.

Истакна дека со билатералните средби со премиерот на Ирска, Лео Варадкар, со премиерот на Холандија, Марк Руте и со премиерот на Шпанија Педро Санчез, разговарале за динамиката на скрининг процесот кој Северна Македонија го има со ЕУ, кој се одвива одлично.

На маргините на Самитот на Европската политичка заедница, премиерот Димитар Ковачевски оствари билатерална средба со домаќинот на Самитот, шпанскиот премиер Педро Санчез, при што разменија ми
Како клучни пораки од денешните состаноци ги посочи дека Европа успеала да покаже дека само со заедничка работа можат да се остварат и визијата за мир, стабилност, обединетост и просперитет на европскиот континент без разлика дали земјите се членки на ЕУ или се земји кандидати за членство во ЕУ кои наскоро ќе станат земји членки.

-Потоа, дека ние сме поврзани и географски меѓутоа и вредносно и историски на овој контитент и дека делиме заеднички вредности, дека мора да се воспостави заедничка безбедносна архитектура за европскиот контитент да живее во мир, слобода и просперитет. И секако дека Европа отсекогаш била една од центрите односно била континент на иновации и континент на нови процеси кои се одвиваат во светот, дека има огромен потенцијал и дека со заедничка работа ќе може да се придонесе и за развој на бизнисот и за развој на животниот стандард на европскиот контитент. И секако дека проширувањето останува високо на агендата на ЕУ за што утре ќе има и конкретен состанок на лидерите на ЕУ на неформалниот состанок на Европскиот совет, додаде Ковачевски.

Истакна дека таму ќе се разговара за внатрешните реформи кои ЕУ треба да ги направи со кои ќе биде во можност да апсорбира нови земји членки во ЕУ, бидејќи не е исто доколку ЕУ работи со 27 земји членки во однос на она што би било доколку има 32, 33 земји членки во ЕУ во делот на нејзиното функционирање.

Ковачевски во Гранада учествуваше на пленарната сесија посветена на дигитализацијата и вештачката интелигенција, а имаше и повеќе билатерални средби, меѓу кои со премиерите на Холандија, Ирска и Шпанија.

Тој, заедно со премиерите на Обединетото Кралство, Шведска, Италија, Лихтенштајн, Хрватска, Албанија и претседателките на Европската комисија и на Европскиот парламент, разговараа на тркалезна маса за улогата на вештачката интелигенција како основа за идни иновации и развој на европскиот континент, дигиталната инфраструктура, улогата на социјалните мрежи и потребата од регулирање на нивната работа.

Лидерите ја потврдија потребата и итноста Европа да ги удвои напорите со цел да обезбеди лидерство во сите процесите врзани со истражувачката дејност и останатите активности кои ќе обезбедат развој на вештачката интелигенција. Тие воедно повикаа на здружување на силите на национално ниво во формирање на специфичен, европски пристап и иницијативи во развој на стандарди кои ќе бидат компетитивни на светскиот пазар.

Третиот состанок на Европската политичка заедница, заврши со вечера кај шпанскиот крал, во Алхамбрата во Гранада.

Ковачевски ќе учествува на пленарна сесија на Самитот, а потоа со лидерите на Шведска, Франција, Обединетото Кралство, Италија, Хрватска, Лихтенштајн,  Бугарија и Албанија, како и Европската

Гранада неделава е центарот на европската политика. Градот со нешто повеќе од 200.000 жители и големо историско и културно наследство испреплетено од трите големи монотеистички култури – христијанската, муслиманската и еврејската вчера беше домаќин на третиот самит на Европската политичка заедница (ЕПЦ), а денеска на неформалниот Совет на ЕУ. Состанокот на ЕПЦ, како и денешниот неформален Самит на ЕУ во Гранада, се одржуваат во клучен момент за иднината на Европа од геополитичка гледна точка со фокус на стратешки прашања, пред се на идните предизвици за регионот.

Европската политичка заедница има за цел да поттикне политички дијалог и соработка во решавањето на прашања од заеднички интерес, да ја зајакне безбедноста, стабилноста и просперитетот на европскиот континент. Замислена како платформа за политичка координација, формирана во мај 2022 година на иницијатива на францускиот претседтаел Емануел Макрон, таа не заменува ниту една постоечка организација, структура или процес и нема за цел да создаде нови во оваа фаза.

Првиот самит на европската политичка заедница се одржа во Прага во октомври 2022 година, вториот во Прага, во Чешка, а следниот треба да се одржи во Обединетото Кралство.

Print Friendly, PDF & Email
Tags: ГранадаЕУпроширување
Share33Tweet21Send

НАЈЧИТАНИ 5

  • Бранимир Јовановиќ за ЦИВИЛ МЕДИА: Македонија навистина е четврто место во Европа по економски развој – ама од позади!

    105 shares
    Share 42 Tweet 26
  • Осумнаесетгодишниот син на Блерим Беџети од ДУИ примил 12.000 евра од Комунална хигиена – Скопје за „интелектуални услуги и совети“ за заштита на животната средина

    96 shares
    Share 38 Tweet 24
  • Украинските дронови погодија над 40 руски стратешки бомбардери во шокантен напад далеку зад линиите на фронтот

    94 shares
    Share 38 Tweet 24
  • Поранешниот командант на ОВК, Бреза, уапсен по 22 години бегство

    92 shares
    Share 37 Tweet 23
  • Брисел насетува оти Мицкоски е подготвен да го жртвува и Извештајот во ЕП

    92 shares
    Share 37 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ