Посебен одред со специјална намена „Азов“ е структурна единица на 12-тата оперативна бригада на Националната гарда на Украина. Тој не треба да се поистоветува со јавни или политички организации и движења што имаат слични имиња. Вооружените сили на Украина и Националната гарда на Украина се надвор од политиката.
Во редовите на Националната гарда на Украина, како и во редовите на Вооружените Сили на Украина, нема единици создадени на идеолошка основа. Единствената можна идеологија на Националната гарда на Украина се статутите на Вооружените Сили на Украина, кои предвидуваат обврска за „почитување на правата, честа и достоинството на луѓето“ и „воздржување од изјави и дејствија кои ги кршат човековите права или ја понижуваат човековите чест и достоинство“, и Воената заклетва за верност кон народот на Украина. Згора на тоа, за разлика од некои волонтерски единици формирани во 2014 година, „Азов“ никогаш не бил неофицијална група, тој од самиот почеток функционираше во структурата на Министерството за внатрешни работи.
Во 2014 година, неговите воени лица херојски го ослободуваа Мариупол и многу населени места во Донецката област. Големиот успех на оваа единица беше легендарната операција Павлопол-Широкино, при која линијата на фронтот беше пренасочена од градот Мариупол, беа ослободени 5 населени места (Широкино, Бердјанске, Лебединске, Коминтернове, Павлопил).
Азовските борци извршуваа борбени задачи на линијата на фронтот кај Свитлодарскиот лак, каде брилијантно изведоа повеќе од една борбена операција и му нанесоа безброј непоправливи загуби на непријателот. Со својата победа, единицата постојано ја докажуваше својата лојалност кон Украина и украинскиот народ и ја покажа својата подготвеност да се бори за Татковината.
Од самиот почеток, единицата беше цел на руската пропаганда со цел ширење на лажни и неверодостојни информации. Басните за „нацистите“ најчесто се поврзуваат само со амблемот на единицата, кој постојано го шират руските и медиумите поврзани со државата-агресор, обидувајќи се да го поврзаат со нацистичките симболи. Немаше други факти кои би биле покажани или потврдени. Секој пат се појавуваа само обиди на овој начин да се дискредитира една од најспособните единици на борбен план на Националната гарда на Украина. Еден од факторите што ја одредува одржливоста на митот за украинскиот фашизам е тоа што тој ѝ е од корист само на Русија.
Меѓу западните новинари и сите оние кои сметаат дека знаат за „украинската криза“, воените дејствија во Донбас, војната во Украина – прашањето за „Азов“ се поставува речиси секогаш. Меѓутоа, ако се прашаат, малкумина можат јасно да кажат што токму ги загрижува и од каде потекнуваат причините за оваа загриженост.
Воените лица на „Азов“ ја бранат својата земја без да допираат туѓо и ги штитат луѓето од различни националности и религиозни деноминации кои живеат во нашата земја. Патем, на концептот на „нацизам“ му противречи фактот што борците од „Азов“ се претставници од многу националности. Украинци од различно етничко потекло (вклучувајќи Руси, Евреи, Кримски Татари итн.) служеле и продолжуваат да служат во „Азов“. Нема никакви незаконски ограничувања во оваа смисла. Многумина од персоналот зборуваат руски, но тоа не влијае на нивната сплотеност и борбена ефикасност.
Нацистите не ја бранат својата земја, тие заробуваат туѓи! Нацистите не гинат за луѓе од друга националност! Денес цел свет ги виде ужасните снимки од „рускиот мир“ во Буча, Гостомел и Ирпин, дела за кои несомнено ќе им биде изречена праведна казна.
Па ајде да одговориме на главното прашање – кој е навистина нацист:
Тој што со себе покрива деца или тој што фрла бомби по породилишта и болници?
Тој што го брани својот град и држава или тој што напаѓа туѓи територии?
Тој што фрла гранати по подрумите или тој што евакуира деца од таму?
Обвинувајќи го „Азов“ за нацизам, Русија го заменува поимот „патриотизмот“ и го нарекува „нацизам“. Но токму патриотизмот, лојалноста кон воената заклетва, храброста и херојството им помагаат да издржат во опколениот Мариупол и не само да издржат, туку и секојдневно да уништуваат непријателска техника и неизмислените нацисти од Русија.
Во текот на годините на руско-украинската војна, на 632 војници на специјалниот одред „Азов“ им беа доделени државни награди, од кои 133 постхумно, а 5 воени лица ја добија високата титула Херој на Украина, од кои 4 постхумно. И покрај блокадата на градот и десетиците повици за предавање, Азовците стојат до крај и го бранат градот.
Денес, властите на земјата агресор Русија врз основа на нацизмот и фашизмот успеаја да создадат античовечка идеологија која се храни со крвта дури и на сопствените граѓани. Со симболите „Z“, со кои е означена воената опрема на руската армија, во Русија се одржуваат собири и флеш-мобови за поддршка на војната во Украина и непријателството кон украинскиот народ. Па што асоцира на нацизмот: симболика и патриотизам или симболика и поттикнување војна, инвазија, убиство на стотици луѓе и уништување градови?
Цела Украина, а сега и целиот свет, треба да знае дека легендарниот одред со специјална намена „Азов“ на 12-та оперативна бригада на Националната гарда на Украина стои со чест во одбраната на слободата, човековите права, демократијата и нејзината Татковина!
Подготви: Д.Мишев
