пишува: АРБЕН ЗЕЌИРИ
Анализите на досегашните податоци за заразените и умрените од корона вирусот во земјава внесуваат оптимизам. Трендот на пораст на бројот на заразени последните денови и споредбата на бројките од нашата земја со податоците во светот и земјите од регионот, покажуваат успешно справување на нашите институции и граѓани со заразата која го обиколи целиот свет.
Како дневниот процент на ново заразени така и бројот на починатите од КОВИД-19 и според официјалните компаративни анализи на светските центри за статистика влеваат доза оптимизам, затоа што станува несомнено дека Северна Македонија спаѓа во групата на земјите кои заразата ја држат под контрола.
Така, вчера во нашата земја бројот на заразени расте за 10% помалку отколку бројот на новорегистрирани пациенти во САД, каде бројот растеше за 18%, а во Шпанија официјалните бројки објавени во петок забележаа раст за 11%. Во Германија, за само 24 часа, бројот на ново заразени порасна за 15,7%, во Франција за 13%, а во нашиот регион трендот беше уште понеповолен. Од земјите во соседството и околината, Бугарија на 27 март објави најнеповолни бројки, со раст од 27% за 24 часа, Црна Гора со 18%, а во Србија, со податоците објавени истиот ден, бројот на заразени за еден ден се зголеми за 15,5%.
Блиску до нашиот тренд беше само Грција со 8.2% во текот на последното деноноќие.Нашата земја вчера (27.03.2020) беше во групата со најмал процент на ново заразени за 24 часа споредено со досегашната вкупна бројка. Со новите 18 случаи на позитивни резултати од тестирањето со корона вирусот, вчера Северна Македонија бележи раст од 8,9% од вкупниот број на заразени до тој ден. Овој процент беше далеку помал отколку оној во многу држави, како во светот, така и од регионот.
Држава | Вкупно заразени | Нови заразени | Раст во % |
САД | 101,159 | +15,724 | 18,4 |
Италија | 86,498 | +5,909 | 7,3 |
Шпанија | 64,285 | +6,499 | 11,2 |
Германија | 50,871 | +6,933 | 15.7 |
Франција | 32,964 | +3,809 | 13 |
Србија | 528 | +71 | 15,5 |
Бугарија | 293 | +29 | 27,2 |
Црна Гора | 82 | +13 | 18,8 |
Грција | 966 | +74 | 8,3 |
Северна Македонија | 219 | +18 | 8,9 |
Но и покрај намалениот тренд минатиот ден, Грција сепак има позагрижувачки податоци од Северна Македонија. Интернет страницата (https://www.worldometers.info/coronavirus/) која е најпосетена страница и секојдневно објавува разни податоци поврзано со корона вирусот, објавува и статистики за население од еден милион. Овие податоци се употребуваат за отсликување на трендот на заразените и починатите споредено со вкупното население на земјата. Така, бројот на заразени во Северна Македонија, според оваа веб страница, изнесува 105 заразени на еден милион жители, а бројот на починати е еден од еден милион население. Грција, која минатите 24 часа беше најблиску до нашата земја со бројот на ново заразени, има помалку поволни статистики, во однос на бројот на починатите, со 28 починати, односно тројца починати на еден милион население. Само за споредба, вкупниот број во Италија е 151 мртви на еден милион население.
За нашата земја во светски рамки има оптимистички податоци и споредено со просекот на заразени, што дава надеж дека пандемијата во нашата земја е под контрола. Додека вкупниот број на заразени за Северна Македонија се пресметува на 105 на еден милион население, во Сан Марино, на пример, просекот ја достигнал бројката од 6,572 случаи на еден милион население, а во Италија на 1,431 случаи од еден милион жители.
Споредено со земјите од регионот, Албанија, иако има помал број на заразени од корона вирусот, сепак, според истата веб страница, бележи тројца починати на еден милион жители, или поконкретно, 8 починати од вкупно 186 заразени до вчера.
Од земјите во регионот, полоши статистики од нас има и Словенија. Таму, просекот на вкупниот број заразени достигна до 632, односно 304 заразени од еден милион население, со вкупно девет починати, односно четворица од еден милион. Ситуацијата во Црна Гора, на прв поглед, изгледа добро, со под половина од бројот на заразени во нашата земја и само едно починато лице до петокот. Но споредено со бројот на население, просекот е сепак понеповолен од нашиот. Вкупниот број на заразени на еден милион население таму се проценува на 131, а вкупниот број на починати на 2 од еден милион население. Инаку за Црна Гора карактеристично е што беше последната земја од нашето соседство која се зарази со корона вирусот, а веќе го надмина просекот на Северна Македонија и други држави од регионот.