Пентагон доби досега најголем буџет во износ од над 700 милиајрди долари што е многу повеќе пари за одбрана отколку што издвојуваат двата главни американски конкуренти, Кина и Русија.
Тоа ќе значи дека американската армија ќе може да плати дополнителни илјадници војници, повеќе обука, бродови и многу друго, јавуваат американски медиуми.
Следната година буџетот ќе се зголеми на 716 милијарди долари. Буџетот вклучува огромно зголемување за трошоците за армијата.
Пентагон ќе добие 94 милијарди долари повеќе во оваа буџетска година во однос на минатата што е зголемување за 15,5 отсто. Тоа е најголемо зголемување во однос на претходната година од 2003 година кога буџетот на Пентагон бил зголемен за 26,6 отсто во време на војната во Авганистан, инвазијата врз Ирак и ширењето на системот за национална одбрана по нападите од 11 септември 2001 година.
Повеќе пари не се наменети за борба против нов непријател или поединечни закани како што е Ал Каеда или Русија, туку за широк спектар на проблеми, вклучително зголемување на обуки и осовременување на одбранбениот ракетен систем, наведуваат американски медиуми.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
