Пратеникот на СДСМ, Јован Митрески најави тужба за генсекот на Левица, Јована Мојсоска и побара јавно да му се извини во рок од 24 часа, а доколку не го стори тоа пратеникот ќе бара надомест за нарушување на честа и угледот. Мојсоска на Твитер објави дека пратеникот од Струга и координатор на претеничката група на СДСМ, Митрески гласаше против намалување на патарините, а истиот во 2017 година само во два месеци искешира 100.000 денари за патни трошоци (од тие два месеци, еден месец не работеше Собранието).
Пратеникот Митрески најави дека добиените средствата од тужбата ќе ги донира за санација на спомен куќата на Христо Узунов во Охрид, за која Мојсоска во 2016 заработи кривична поради оштетување!
„Јована Мојсоска, генсекот на Левица пак згрешила или го згрешила човекот. Згрешила бидејќи сум еден од ретките што и кога патува, не прикажува трошоците, а никогаш, ама НИКОГАШ не сум пријавил трошоци кога Собранието не работело. Секако, еден сум од ретките пратеници кој самостојно плаќа кирија, а вакви како Јована, односно многу “поопасни” пробале да нарушат чест и углед. Затоа, ако Јована не се извини во рок од 24 часа, на ист начин како што ја истакна клеветата спрема мене односно истото го направи јавно преку социјалните мрежи, ќе покренам правна постапка за утврдување на граѓанска одговорност за клевета и ќе барам надомест на нематеријална штета за нарушување на честа и угледот.
Досудените средства ќе ги донирам за поправка на куќата на Христо Узунов во Охрид, еден од најголемите македонски револуционери“, пишува Митрески.
Д.М.