Со денешното усвојување на измените на Кривичниот законик од страна на Собраниската Комисија за политички систем се намалува затворската казна за дела поврзани со злоупотреба на јавните набавки. Согласно некои толкувања, овие измени ќе допринесат обвинетите за вакви дела да добијат само условна казна. Со новите измени се очекува да бидат опфатени дека во кои се инволвирани екс-министерката за Култура, Елизабета Канческа Милеска и Василије Авировиќ, син на пратеничката Владанка Авировиќ.
Обвинение за џихадистите од Македонија
Основното јавно обвинителство за гонење на организиран криминал и корупција поднесе обвинителен акт против седум македонски државјани за делото учество во странска војска, паравоени или параполициски формации. На еден му се става на товар и делото терористичка организација. Петмина од обвинетите се дел од истражни постапки во рамките на претходни акции познати во јавноста како „Ќелија 1“ (август 2015) и „Ќелија 2“ (јули 2016), но беа недостапни на органите на прогонот и за нив беа активни национални и меѓународни потерници.
Централата за снимање во ОЈО е набавена во 2012 година
Не станува збор за прислушување на Јавното обвинителство како инситуција, или на судот, туку станува збор за можностите за снимање што ги нуди централата набавена во 2012 година, а истрагата на Јавното обвинитество ќе покаже дали имало злоупотреби, одговори министерот за внатрешни работи, Оливер Спасовски, на денешната седница на Собранието на која пратениците им поставуваат прашања на министрите. Прашањето го постави пратеникот Антонио Милошовски.
Антикорупција
Законот за антикорупција никако не стигнува да се разгледа во комисијата за политички систем и односи меѓу заедниците. Најпрво овој закон од прва точка се симна последна, или четврта на дневниот ред, а по отпочнувањето на дебатата, кога се пристапи кон третата точка, законот за судска служба, пратеникот Реџаил Исмаили заради лични обврски побара пауза.
Директорите ќе си добијат заменици
Пратениците Александар Кирацовски и Благоја Трпевски, од владеачкото мнозинство од СДСМ и ДУИ, предложија по скратена постапка да се донесе закон со кој во сите јавни претпријатија, директорите ќе добијат заменици, кои би раководеле со јавното претпријатие во отсуство на директорите.
Рускоска ќе одлучува за амнестијата
Утринава до обвинителката Вилма Рускоска која го води случајот за „крвавиот четврток“ пристигнале 27 барања за амнестија од 33-та обвинети во случајот. Обвинителката ќе го даде своето мислење за тоа кој ќе биде, а кој нема да биде амнестиран. За најголемиот случај поврзан со „крвавиот четврток“ за кој е и надлежна Русковска, имаше поднесено вкупно 29 барања за амнестија.
Д. Муратов
