Рускиот претседател Владимир Путин и индискиот премиер Нарендра Моди се меѓу дваесетте светски лидери кои присуствуваат на регионалниот безбедносен самит во Кина, пренесува Би-би-си.
Пред годишниот собир на Шангајската организација за соработка (ШОС) во пристанишниот град Тјанџин, Моди разговара со кинескиот претседател, Си Џинпинг. Ова е прв пат на Моди во Кина по седум години.
Путин, кој е близок сојузник на Кина, пристигна на распослан црвен тепих во Тјанџин во недела.
Самитот доаѓа во време кога американскиот претседател Трамп воведе високи царини за индиските стоки како казна за континуираното купување руска нафта од Делхи, а Путин се соочува со закани за санкции за неговата тековна војна против Украина.
Во ШОС, поддржана од Пекинг, има 10 земји-членки – вклучувајќи ги Пакистан, Иран – и 16 партнери за дијалог и набљудувачи.
Самиот самит е во голема мера симболичен, но ќе им овозможи на лидерите да ги искажат заедничките поплаки и интереси – а оваа година собирот ќе биде во сенка на трговските војни со САД.
Д, Мишев
