Претседавачот на седницата на косовското Собрание Авни Дехари ја прекина конститутивната седница на косовското Собрание.
Дехари рече дека по настанатата ситуација со неизгласувањето на извештајот за потврдување на мандатите, седницата е прекината.
„Поради создадените околности, бидејќи извештајот на комисијата не доби доволно гласови, во овие околности мора да ја прекинеме седницата и со писмо да го известиме претседателот како ќе продолжиме“, рече Дехари.
Извештајот на привремената комисија за верификација на мандатите не помина. 52 пратеници гласаа за, 46 против, а 11 воздржани.
Демократската партија на Косово, Демократската лига на Косово и Алијансата за иднината на Косово гласаа против извештајот на привремениот комитет.
Во меѓувреме, пратениците од Движењето Ветевендосје и Нисма гласаа за овој извештај.
„Извештајот што беше разгледан во оваа комисија и усвоен со мнозинство гласови вреди да се напомене, бидејќи во Комитетот се согласивме дека ПДК, Алијансата за иднината на Косово и Демократската лига на Косово беа против овој извештај“, рече Артан Абраши од ЛВВ, јавуваат косовските медиуми.
Д. Т.
