Претмиерот на Северна Македонија, Христијан Мицкоски одговарајќи на новинарско прашање кажа дека очекува платите во јавниот сектор да растат во следниот период и додаде дека првите индикатори покажуваат позитива, односно раст на индустриското производство, преработувачката индустрија, растот на БДП, наплатата на обврските од страна на институциите, како и намалувањето на инфлацијата.
Првите индикатори се добри и тоа охрабрува“, потенцираше тој и додаде:
Мицкпски во однос на платите потенцираше дека имаше една теза од поранешната Влада на СДСМ и ДУИ дека со нив платите растеле, а со ВМРО-ДПМНЕ и оваа Коалиција платите нема да растат.
Морам да кажам дека веднаш. Државниот завод за статистика со бројка која што ја објави за месец јули, не само што ги демантираше туку испорача две контра тези на нивната теза. Прво, видовме дека платите во јули месец кој што беше реално прв месец на оваа влада продолжија да растат со исто и забрзано темпо споредено со она кое што се случуваше изминатиот период. Поеднаков, дури и повеќе. но што е разликата“, рече Мицкоски.
Според премиерот, разликата е што тогаш кога се ограбуваше Буџетот на грбот на граѓаните, инфлацијата беше двоцифрена, и некогаш таа инфлација стигаше вредност повеќе до 20 проценти, па платата која што ја добиваа граѓаните беше обезвреднувана.
Денеска платат повторно расте со иста динамика, па и забрзано, но инфлацијата е најниска во регионот во месец август, споредено со август минатата година, и таа е на ниво на 2,2 проценти, а од почетокот на годината заклучно до август е помала од 3,5 проценти. Тоа е разликата што платите растат со истата динамика, дури и забрзано, но нивото на инфлација е ниско“, кажа премиерот.
Мицкоски истакна дека економијата заживува посочувајќи дека Централната банка донела одлука за намалување на референтната каматна стапка за 0,25 проценти, што покажува дека состојбите почнале да се стабилизираат.
„Одлуката на Централната банка референтната каматна стапка ја намали за 0,25 проценти. Тао значи дека полека но сигурно во овие 2-3 месеца помалку од 100 дена нова Владата предводена од ВМРО-ДПМНЕ состојбата се стабилизира, надежта се враќа, и полека економијата заживува. а тоа ние најдобро го гледаме преку овие индикатори. дали така ќе продолжи јас очекувам да, бидејќи сега во Парламентот помина оној заем од 500 милиони евра кои што како закон го донесовме веќе очекувам втора половина на октомври или прва половина на ноември да биде ставен во функција на македонската економија за да можат овој заем од 250 милиони евра да го користат“, изјави Мицкоски.
На денешната изјава на Мицкоски реагираа од СДСМ, од каде упатија критики дека после седум години постојан раст на просечната плата, во јули годинава има пад за речиси 1.000 денари, според официјалните податоци од Државниот завод за статистика.
Мицкоски лаже, прв пат по седум години има пад на просечната плата за 1.000 денари, велат од СДСМ и додаваат: Христијан Мицкоски денеска повторно излажа.
Од СДСМ нагласуваат дека просечната месечна исплатена нето-плата по вработен, во јули годинава изнесувала 40.961 денар и е за 1.000 денари пониска од јуни кога изнесуваше 41.939 според податоците од Државниот завод за статистика, и додаваат дека во изминатите години тие ја зголеми просечната плата до над 41.000 денари.
Дополнително, од најголемата опозициска партија потсетуваат дека во времето на ВМРО-ДПМНЕ просечната плата беше на половина, едвај 20.000 денари. Во 2015 година, во времето на ВМРО-ДПМНЕ просечната плата изнесуваше 20.853 денари. Платата постојано растеше со СДСМ со години наназад, во 2020 година просечната плата беше 28.294 денари, во 2022 година беше 34.364 денари а во 2024 година достигна над 41.000 денари.
Тоа е таа разлика. Дојде ВМРО-ДПМНЕ и Мицкоски и платите почнаа да паѓаат. Платите се намалуваат а цените остануваат високи и растат. Со вакви погрешни економски политики на Мицкоски стандардот на граѓаните само ќе опаѓа, се вели во соопштението на СДСМ.
М. Д.
