Руското Министерство за одбрана соопшти дека во вторникот пресретнало пет беспилотни летала во близина на Москва во, како што го нарече во изјава на Телеграм „терористички“ напад , пренесува Си – Ен – Ен.
Четири од беспилотните летала биле пресретнати од воздушната одбрана во регионот на Нова Москва, додека петтиот дрон бил „потиснат со електронска војна и паднал на територијата на областа Одинцово во Московската областсе вели во соопштението.
Нема жртви како резултат на пресретнувањето со дрон, соопшти Министерството.
Меѓународниот аеродром Внуково, еден од четирите аеродроми кои ја опслужуваат Москва, пренасочи шест летови во вторникот, се вели во соопштението на Росавијација, Федералната агенција за воздушен транспорт на Русија.
Не е јасно дали промените се поврзани со претходните извештаи на државните медиуми дека во вторникот во близина на главниот град беа соборени два дрона.
„Поради технички проблеми кои не се управувани од самиот аеродром, Внуково воведе ограничувања за пристигнување и полетување на авионите од почетокот во 5:10 часот“, се вели во соопштението на Росавијација.
Ограничувањата на летовите кои пристигнуваат и полетуваат од аеродромот Внуково останаа во сила до 8:00 часот, соопшти Росавијација.
Другите аеродроми во Москва и регионот околу главниот град работат нормално и без ограничувања, се вели во соопштението.
Предходно, државната новинска агенција ТАСС објави дека едното беспилотно летало било пресретнато во Новаја Москва (Нова Москва), а другото во Калушката област. Нема повредени или материјална штета, објави државната РИА Новости.
Обид за напад со (наводно) украинско беспилотно летало го принуди аеродромот што ја опслужува Москва да пренасочи „некои летови“ во вторникот, изјави градоначалникот на руската престолнина.
„Од безбедносни причини, некои летови од аеродромот Внуково се привремено пренасочени“, рече градоначалникот на Москва Сергеј Собјанин на Телеграма.
Сите откриени беспилотни летала се елиминирани од силите за воздушна одбрана и нема жртви или повредени, додаде тој.
Руските државни медиуми претходно објавија дека два дрона биле соборени во вторникот во близина на главниот град.
Подготви: Д. Мишев