За утре, 5 ноември во 13 часот на плоштадот „Скендербег“ во Скопје е закажан протест против одлуката на судот за обвинетите во процесот „Диво Насеље“.
Протестот е огранизиран од неколку невладини организации.
„Ве информираме дека дел од невладините организации и граѓански иницијативи организираат протест против пресудата на првостепениот суд Скопје 1 за осудените лица во случајот ‘Диво Насеље’. Нашето барање е вклучување на меѓународна истрага и преиспитување на случајот“, стои во соопштението на организаторите.
„На овој протест се повикуваат сите граѓани кои сметаат дека ваквото изживување и самоволие на судот во изрекување на казните се уште еден пример за неправедна правда и двојни аршини од страна на судот. Нашето учество само ќе укаже за тоа колку сите ние сме за соживот без маски и агенди“, повикуваат организаторите на протестот.
Тие повикуваат да се откријат нарачателите и тие да одговараат.