По прогласување на победата на претседателските избори во САД, за демократот Џо Бајден, стигнаа и првите честитки.
„Честитки за новоизбраниот претседател Џо Бајден и потпретседателката Камала Харис! Сигурен сум дека ќе продолжиме да ги развиваме одличните односи кои ги имаме со САД и да го продлабочуваме нашето сојузништво во НАТО, но и на сите полиња. Иднината пред нас е светла!“, честиташе премиерот Зоран Заев на Фејсбук, со заклучок дека со победата на демократот Џо Бајден, Северна Македонија доби уште еден голем меѓународен пријател.
„Честитки за победата на Џо Бајден и Камала Харис. Нов почеток, нови можности!“, напиша на Фејсбук министерката за одбрана Радмила Шекеринска.
„Нашиот голем пријател Џо Бајден се врати, сега е на чело на САД. Му посакувам добро здравје, успех и добра работа на претседателот Бајден и им честитам на Соединетите Држави за завршувањето на изборниот процес и новоизбраниот Конгрес, Сенатот и Белата Куќа“, напиша Ахмети во својата честитка до новоизбраниот претседател Бајден.
Изборот на Џо Бајден беше поздравен и од повеќе лидери во светот, но и од регионот.
Кирјакос Мицотакис, премиерот на Грција му честиташе на Бајден нарекувајќи го вистински пријател на Грција.
Congratulations to US President-Elect @JoeBiden.
Joe Biden has been a true friend of Greece and I’m certain that under his presidency the relationship between our countries will grow even stronger. 🇬🇷🇺🇸
— Prime Minister GR (@PrimeministerGR) November 7, 2020
„Нашите две земји се блиски пријатели, партнери и сојузници. Ние споделуваме врска што е единствена на светската сцена. Јас навистина се радувам што ќе работиме заедно на надградување на тие односи“, напиша канадскиот премиер Џастин Трудо.
Честитки пристигнаа и од британскиот премиер Борис Џонсон кој во честитка вели дека САД се нивен најголем сојузник со надеж на блиска соработка за заедничките приоритети од климатските промени до трговијата и безбедноста.
Congratulations @JoeBiden and @KamalaHarris pic.twitter.com/xrpE99W4c4
— Boris Johnson (@BorisJohnson) November 7, 2020
Честитки пристигнаа и од Германија, Шкотска, Малта, Ирска…
За крај од тензичните претседателски избори во САД и победата на Бајден една порака и од граѓанското општество: Демократот победи! Разумот победи! Честитки!
The Democrat wins! Te Reason wins!
Congratulations! https://t.co/i0fP2tjzfK— Xhabir Deralla (@XhabirDeralla) November 7, 2020
Б. Ј.
