Презентерот на руска национална телевизија, Владимир Соловјов, се пофали дека руските хиперсонични ракети наречени „Кинжал“ се способни да го погодат Лондон за само девет минути по лансирањето. За потсетување, руската страна тврди дека стратешката предност на овие ракети долги осум метри е во тоа што тие летаат исклучително брзо и екстремно високо, но истовремено остануваат маневрирачки. Тие ја уништуваат својата цел со конвенционална боева глава тешка до 480 килограми или нуклеарна боева глава.
Овие недвосмислени руски закани за Велика Британија доаѓаат веднаш по објавувањето на резултатите од официјалната истрага на Кремљ за саботажа на гасоводот во Балтичкото Море. Русија ги обвини Британците за саботажа на гасоводот Северен поток, но и за учество во украинскиот напад врз руската флота во Црно Море.
Денес таму сите се хистерични бидејќи ракетите од Белорусија можат да стигнат до Лондон за девет минути, истакна Соловјов, кој е етикетиран од Западот како клучен пропагандист на режимот на Путин. Во своите емисии тој често изразува силна поддршка за политиките на Кремљ и им се заканува на западните држави и Украина.
Ракетата „Килџој“, позната и како „Кинжал“, има дострел од над 2.000 километри и може да достигне брзина 12 пати поголема од брзината на звукот – 9 минути и здраво Лондон или, подобро кажано, здраво и збогум Лондон, додаде Соловјов.
Тој призна дека Русија се соочува со одредени проблеми, порачувајќи дека секој, според своите капацитети и знаење, мора да придонесе за решавање на проблемот, бидејќи Русија ќе постигне победа само кога ќе биде подготвена.
Војниците треба да се борат, дипломатите да преговараат, политиколозите да разговараат и да предлагаат решенија, заклучи рускиот водител.
Meanwhile in Russia: top propagandist Vladimir Solovyov was dispatched to address the youth. He lied up a storm, mixed trash talk with biblical references & veiled nuclear threats & told the young to get ready to march to the front as soon as they’re old enough. Watch this mess: pic.twitter.com/C3fpLMUB31
— Julia Davis (@JuliaDavisNews) November 6, 2022
