Генералниот секретар на НАТО, Марк Руте, и украинскиот претседател, Володимир Зеленски, одржаа краток прес во Брисел пред средбата со европските лидери, на кој Руте истакна дека е клучно Украина да добие системи за противвоздушна одбрана (ПВО) и други вооружувања за одбрана на инфраструктурата.
Како што пренесува МИА, Зеленски го оцени состанокот како значаен за обезбедување безбедносни гаранции за Украина. Тој рече дека веќе разговарал со францускиот претседател Емануел Макрон и најави средби со други лидери на ЕУ на утрешното заседание на Европскиот совет.
Според Руте, западните сојузници работат на механизам за финансирање на купување оружје произведено во Украина за нејзините одбранбени потреби.
Руте на социјалната мрежа Х објави дека е добро е да се сретне со својот пријател Зеленски
вечерта во Брисел за да разговараат за непоколебливата поддршка на НАТО за Украина.
Good to meet with my friend @ZelenskyyUa this evening in Brussels to discuss #NATO’s unwavering support for #Ukraine. pic.twitter.com/it7OO0xR2a
— Mark Rutte (@SecGenNATO) December 18, 2024
На вечерашната средба, одвен Зеленски и Руте, присуствуваат и лидерите на Германија, Полска, Италија, Данска, Холандија и претставниците на главните институции на Европска Унија. Британскиот премиер Кир Стармер и францускиот претседател Емануел Макрон се претставени од нивните министри за надворешни работи.
