Најавената метла или кадровски промени почнаа од партијата на власт, СДСМ. На вечерашната седница на Централниот одбор разрешени се шест потпретседатели на СДСМ, Оливер Спасовски, Фросина Ременски, Петре Шилегов, Дамјан Манчевски, Мухамед Зекири и Благој Бочварски. Освен нив, разрешен е и генералниот секретар на СДСМ, Александар Кирацовски, а на ова место е назначен министерот за земјоделство Љупчо Николовски. Разрешени се и организацискиот секретар Миле Зечевиќ и секретарот за меѓународна соработка, Дане Талески.
Разрешувањата се врз основа на оставки што ги поднесоа функционерите, а Централниот одбор само ги потврди.
Први на удар беа 78 претседатели на општинските организации на СДСМ кои беа сменети минатата недела.
А. Зеќири
