Две лица загинаа денеска откако проектил погоди област каде што се сушеше житото во Пржеводов, полско село во близина на границата со Украина, објавија полските медиуми, пренесува Еуроњуз.
Полскиот премиер Матеуш Моравјецки свика итен состанок на највисоките претставници на земјата за национална безбедност и одбрана, изјави владиниот портпарол Пјотр Мулер.
Premier @MorawieckiM zwołał w trybie pilnym Komitet Rady Ministrów do spraw Bezpieczeństwa Narodowego i spraw Obronnych.
— Piotr Müller (@PiotrMuller) November 15, 2022
Мулер веднаш не ја потврди информацијата за ракетниот напад, но рече дека состанокот се одржал поради „кризна ситуација“.
Веднаш по Моравјецки, и унгарскиот премиер Виктор Орбан свика итен состанок.
In response to the stop in oil transfer through the Druzhba pipeline and the missile hitting territory of Poland, @PM_ViktorOrban has convened HU’s Defense Council for 8 p.m.
— Zoltan Kovacs (@zoltanspox) November 15, 2022
Како одговор на прекинот на транспортот на нафта преку нафтоводот Дружба и проектилите што ја погодија територијата на Полска, унгарскиот премиер Виктор Орбан свика итен Совет за одбрана во 20 часот, објави портпаролот на унгарската Влада.
Министерството за надворешни работи на Естонија, исто така, се огласи по овој инцидент, наведувајќи: „Најмногу нè загрижуваат најновите вести од Полска. Се консултираме со Полска и другите сојузници. Естонија е подготвена да го брани секое парче од територијата на НАТО. Ние сме целосно солидарни со нашиот близок сојузник Полска“.
Latest news from Poland is most concerning. We are consulting closely with Poland and other Allies. Estonia is ready to defend every inch of NATO territory. We’re in full solidarity with our close ally Poland ??
— Estonian MFA ?? | ? #StandWithUkraine (@MFAestonia) November 15, 2022
Летонскиот министер за одбрана Артис Пабрикс им изрази сочувство на семејствата на загинатите Полјаци откако руски ракети паднаа врз село во близина на границата со Украина.
Криминалниот руски режим истрела проектили кои не само што ги таргетираа украинските цивили, туку и паднаа на територијата на НАТО во Полска. Летонија целосно стои до полските пријатели и го осудува ова злосторство, објави Пабрикс на Твитер.
My condolences to our Polish brothers in arms. Criminal Russian regime fired missiles which target not only Ukrainian civilians but also landed on NATO territory in Poland. Latvia fully stands with Polish friends and condemns this crime.
— Artis Pabriks (@Pabriks) November 15, 2022
Руските проектили кои погодуваат територија на членка на НАТО се многу опасна ескалација од страна на Кремљ. Летонија изразува целосна солидарност со нашиот сојузник Полска и ќе ја поддржи секоја акција што Полска ја смета за соодветна. Русија ќе сноси целосна одговорност за сите последици, напиша шефот на летонската дипломатија Едгарс Ринкевичс на Твитер.
Russian missiles hitting the territory of the NATO member is a very dangerous escalation by the Kremlin, #Latvia expresses full solidarity with our ally Poland and will support any action deemed appropriate by Poland. Russia will bear full responsibility for all the consequences
— Edgars Rinkēvičs (@edgarsrinkevics) November 15, 2022
