Најмалку 11 лица загинаа, а 30 се ранети по руски напад врз Добропилија, регионот Донецк.
Украинската Државна служба за итни случаи (СЕС) во регионот на Доњецк ја објави ажурираната бројка на жртви на Фејсбук, јавува Укринформ.
„Вечерта непријателот изврши разурнувачки напад врз централниот дел на Добропилија, при што загинаа најмалку 11 лица, а беа повредени 30. Во нападот беа оштетени осум петкатни станбени згради, административна зграда и 30 возила. Избувнаа пожари во две станбени згради и административната зграда“, се вели во соопштението.
За време на напорите за гаснење пожари, руските сили повторно нападнаа — најверојатно со дрон Шахед — во близина на местото за одговор, оштетувајќи едно противпожарно возило.
И покрај континуираната опасност, екипите на итната помош сè уште работат на местото на настанот. Пожарникарите го локализираа пожарот кој зафати 20 станови во петкатна станбена зграда со површина од 500 метри квадратни и изгаснаа уште три пожари.
Претходно, Укринформ објави дека руските сили трипати ја нападнале Добропилија, а првичните извештаи потврдуваат четворица загинати и 18 повредени.
Д. Т.
