Руските окупатори убиле цивил во привремено окупирано село во близина на Селидове, регионот Доњецк, соопшти Јавното обвинителство, пренесува Укринформ.
„На 11 ноември, канал на Телеграм објави информација во врска со наводното убиство на цивил од страна на персоналот на руските вооружени сили во областа Покровск“, се вели во објавата.
Според извештаите на медиумите, ова злосторство се случило по привременото заземање на селото Новоолексиивка, кое се наоѓа во непосредна близина на Селидове.
На објавените фотографии се гледа тело на маж кој лежи на патот покрај разурнати приватни куќи.
Во тек се итни истражни дејствија и претреси за проверка на информациите, утврдување на сите околности на злосторството и идентификација на жртвата на руската армија.
Окружното обвинителство во Покровск започна предистражна постапка за воено злосторство што резултираше со смрт на поединец (Дел 2 од член 438 од Кривичниот законик на Украина).
Предходно, на 10 ноември , според Укринформ руската армија убила двајца жители на областа Донецк.
Во уште едно воено злосторство, руската војска егзекутирала двајца заробени украински војници во регионот Курск.
Како што пренесува Укринформ, комесарот за човекови права на Врховната Рада Дмитро Лубинец, повикувајќи се на извештаи што се појавија на социјалните мрежи, објави на Телеграм дека се претпоставува дека руските напаѓачи застрелале најмалку двајца невооружени украински воени затвореници во областа Курск.
„Воените затвореници мора секогаш да бидат заштитени, особено од акти на насилство, но Русија уште еднаш изврши воено злосторство, што е сериозно кршење на Женевската конвенција и меѓународното хуманитарно право“, изјави омбудсманот.
Лубинец испрати писма во врска со ова злосторство до ОН и Меѓународниот комитет на Црвениот крст. Тој нагласи дека меѓународната заедница мора веднаш да одговори на овој чин на суровост за да се запре агресијата на Русија.
„Уште колку животи треба да се изгубат за светот да дејствува? Русија мора да одговара за секое злосторство и секој скршен живот“, нагласи Лубинец.
Лубинец предходно, на 9 ноември, преку Телеграм објави дека руските сили наводно егзекутирале веројатно ранет украински воен заробеник, пренесува Укринформ.
„Напаѓачите не покажуваат граница на нивниот цинизам и суровост! Русите егзекутираа невооружен, најверојатно ранет украински војник. Тие го снимија ова злосторство, а видеото сега кружи на интернет“, изјави Лубинец.
Како одговор на овој инцидент, Лубинец испрати писма до Меѓународниот комитет на Црвениот крст (МКЦК) и Обединетите нации барајќи од нив да преземат акција.
„Ова е кршење на Женевските конвенции, меѓународното хуманитарно право и законите и обичаите на војната. Доколку нема одговор на ова, таквите злосторства ќе продолжат да се случуваат. Неказнетиот зло секогаш се враќа“, нагласи Лубинец.
Како што објави претходно Укринформ, полициските службеници идентификуваа тројца украински бранители кои беа застрелани од руските војници во близина на селото Вишневе, регионот Донецк, на 1 ноември.
Украина во моментов истражува 49 случаи поврзани со убиство на 124 припадници на украинските вооружени сили кои им се предале на руските сили.
Драган Мишев
