Руските сили убиле еден цивил и повредиле уште двајца во регионот на Доњецк на 23 август, објави на Телеграм шеф на регионалната воена управа на Доњецк, Павло Кириленко, пренесува Укринформ.
„На 23 август Русите убиле еден цивил во регионот на Доњецк – во Бахмут. Уште две лица се повредени“, напиша тој.
Вкупно 759 цивили се убиени, а 1.952 се повредени во регионот на Доњецк од почетокот на руската инвазија врз Украина.
Регионалниот гувернер истакна дека во моментов е невозможно да се утврди точниот број на жртви во Мариупол и Волноваха.
Непријателските трупи ја гранатираа територијата на регионот Дњепропетровск на 23 август, пријавени се повредени цивили, објави Валентин Резниченко, шеф на регионалната воена управа на Дњепропетровск, на Телеграм.
„Ноќта имаше континуирана воздушна тревога… Бевме погодени од ракети, Ураган и Град… Руската армија покрива три области со оган – Днипро, Никопол и Криви Рих“, напиша тој.
Според него, два непријателски ракети Х-22 го погодиле округот Днипро. Експлозијата предизвика пожар. Пожарникарите го гаснат пламенот. Се прецизираат информации за жртви.
Русите четири пати ја гранатираа областа Никопол со тешка артилерија и системите Град МЛРС.
Повредено е едно семејство во Марханец. На мажот и жената им била укажана лекарска помош и се на домашно лекување. Две куќи се уништени, а повеќе од 10 се оштетени во нападот.
Русите упатија 20 гранати кон Никопол. Има уништување на станови. Никој не е повреден.
Во заедницата Червонохрихоривка, една куќа е уништена, неколку се оштетени. Никој не е повреден.
Во областа Криви Рих, Русите пукаа во заедниците Карпивка и Шајроке со Ураган МЛРС. Во село Кошове прекинато е далновод.
Непријателот во текот на ноќта двапати ја погодил Запорожје.
Руските сили гранатираа две заедници во регионот Суми утрото на 24 август, објави Шефот на регионалната воена управа на Суми, Дмитро Живицки на Телеграм..
„Ноќта во регионот беше немирна поради воздушните напади… Русите истрелаа минофрлачи од нивната територија на северот на регионот Суми. Вчера вечерта околу 22 часот заврши гранатирањето на заедницата Есман. Имаше четири удари. Утрото, во 05:00 часот, територијата на заедницата беше погодена 8 пати, на периферијата на Бачивск“, напиша функционерот.
Освен тоа, според него, гранатирањето во заедницата Зноб-Новхородске завршило во 09 часот, имало три напади.
Како што е соопштено, на 23 август, руските напаѓачи ги гранатирале заедниците Есман, Миропилске, Краснопилске и Велика Писаривка во регионот Суми. Вкупно, територијата на заедниците била погодена од повеќе од 80 пати.
Подготви: Д.Мишев
