Генералниот секретар на НАТО, Марк Руте денеска изјави дека Алијансата ќе го зајакне своето воено присуство во Балтичкото Море, откако Финска задржа танкер поврзан со Русија поради можноста да се користи за вршење саботажа.
Руте, во објава на мрежата Икс, рече дека разговарал со финскиот претседател Александар Стуб и изразил солидарност со таа земја во тековната истрага за саботажата.
„НАТО ќе го зајакне своето воено присуство во Балтичкото Море“, рече Руте.
Spoke w/ @alexstubb about the ongoing Finnish-led investigation into possible sabotage of undersea cables. I expressed my full solidarity and support. #NATO will enhance its military presence in the Baltic Sea.
— Mark Rutte (@SecGenNATO) December 27, 2024
Финските власти вчера задржаа брод поврзан со соседна Русија, кој сега се наоѓа во финските територијални води, додека се истражува дали тој оштетил кабел за пренос на струја во Балтичкото Море и неколку кабли за пренос на податоци.
