Францускиот претседател Емануел Макрон, германскиот канцелар Олаф Шолц и италијанскиот премиер Марио Драги пристигнаа во Украина.
, објави на Телеграм Извршниот директор на Укрзализница, Олександер Камишин, пренесува Укринформ.
„За мене ова беше веќе трета ноќ по ред. Но, не само што ја поминав оваа ноќ во воз“, напиша Камишин, додавајќи фотографија од лидерите на Франција, Германија и Италија.
Прес-службата на Укрзализница го коментираше и доаѓањето на европските лидери во Украина.
„Германскиот канцелар Олаф Шолц, францускиот претседател Емануел Макрон и италијанскиот премиер Марио Драги велат „добро утро“ во нашиот дипломатски воз“, соопшти компанијата на Телеграм.
За време на престојот во Украина, тројцата лидери планираат да го посетат од војната разорениот град Ирпин во регионот на Киев, како дел од нивната посета на Украина.
„Ние [лидерите на Франција, Германија и Италија] ќе се сретнеме со претседателот Зеленски. Ќе одиме и на воено место каде што се извршени масакри. Ова е градот Ирпин“, рече Макрон.
Тој додаде дека сака да ги увери Украинците во европската поддршка.
„Би сакал да испратам порака за поддршка и европско единство до Украинците“, рече Макрон.
Денеска, и романскиот претседател Клаус Јоханис пристигна во Киев за да покаже силна поддршка за Украина, заедно со лидерите на Германија, Франција и Италија.
Ја пренесува Укринформ, објавата на Јоханис на Твитер заедно со фотографии од неговата средба на железничката станица во Киев.
In Kyiv today with my European colleagues ?? Chancellor @OlafScholz, ?? President @EmmanuelMacron and ?? PM Mario Draghi @Palazzo_Chigi to show our strong support and full solidarity with President @ZelenskyyUa and the Ukrainian people. This illegal Russian aggression must stop! pic.twitter.com/r5wKaGJm9b
— Klaus Iohannis (@KlausIohannis) June 16, 2022
„Денеска во Киев со моите европски колеги, германскиот канцелар Олаф Шолц, францускиот претседател Емануел Макрон и италијанскиот премиер Марио Драги за да ја покажеме нашата силна поддршка и целосна солидарност со претседателот Володимир Зеленски и украинскиот народ. Оваа нелегална руска агресија мора да престане!“ напиша романскиот претседател.
Подготви: Д.Мишев
