Делегација на Алијансата на независни социјалдемократи (СНСД), предводена од организацискиот секретар Игор Додик, учествуваше на Трансатлантскиот самит на патриотите што се одржа во Будимпешта. Овој настан, организиран како продолжение на програмата CPAC Унгарија, ги собра конзервативните и десничарските политички актери од Европа и САД, пренесува Пилитички.ба.
За време на самитот, Игор Додик нагласил дека претставниците на СНСД ја искористиле можноста да ги запознаат партнерите со предизвиците со кои се соочува РС. Тој особено ги нагласил притисоците што, според него, ги врши „германскиот диктатор“ преку наметнување закони и казнување на оние што не го следат.
Додик, исто така, ја нагласил важноста на присуството на СНСД на вакви меѓународни собири, нагласувајќи ја потребата од вмрежување со истомисленици и зајакнување на поддршката за политичките позиции што ги претставува СНСД. Според него, ваквите контакти придонесуваат за подобро разбирање на позицијата на РС и нејзиното лидерство на меѓународната сцена.
Трансатлантскиот самит на патриотите беше организиран во соработка со американската организација „Републиканци за национална обнова“, италијанската „Лега Џовани“ и унгарската организација „Фиделитас“. Овој настан претставува платформа за размена на идеи и стратегии меѓу политичките актери кои делат слични вредности и цели.
Д. Мишев
