Сите државјани од Авганистан кои синоќа пристигнаа на скопскиот аеродром се негативни на тестирањето за Ковид-19, информираат од Владата за МИА.
На прашањето дали некој од авганистанските државјани е позитивен на Ковид-19, од Владата изјавија дека сите се негативни на направените тестирања.
Сите граѓани кои синоќа пристигнаа од Авганистан на привремен престој се негативни на ПЦР Ковид -19 тестовите, велат од Владата.
Со авион на компанијата „Камаир“ вчера преку Тбилиси, Грузија на Меѓународниот аеродром Скопје пристигнаа првите 149 граѓани од Авганистан, меѓунив највеќе жени и деца. Во авионот имало и 5 бремени жени, од кои едната беше однесена со возило на Итната помош на гинекологија, каде денеска на свет донела здраво машко дете.
