Нема правда нема мир! Оваа беше главниот повик кој пред две години ги вадеше на улица илјадниците граѓанки и граѓани и тоа од сите етнички заедници, Македонци, Албанци, Роми, Турци, Срби, Власи, Бошњаци и сите други. Ова беше и искра надеж поради која многумина Албанци и гласаа на последните парламентарни избори директно за СДСМ. Ова беше надежта заради која уште повеќе гласаа и за Стево Пендаровски.
Оваа беше причината заради која и јас лично, како новинар, се спротивставив на коалицијата ВМРО-ДПМНЕ и ДУИ, и напишав десеттина текстови и прилози против таа коалиција и со директен повик за формирање на Влада со СДСМ, со премиерот Зоран Заев.
Од многумина добив и критики, зашто прв услов за формирање Влада го потенцирав владеењето на правдата и реформи во правосудтсвото, а граѓанските и колективните етнички барања на Албанците минимално ги спомнував, па дури некогаш и реков дека тие треба да чекаат други времиња.
Денеска и јас, како човек што ја поддржуваше идејата за влада на албанските партии со СДСМ, и илјадници Албанци кои гласаа директно за оваа партија, се срамиме. Се срамат и тие што протестираа и студентите од пленумот. Надежта за Европска Македонија се губи, а сè повеќе се чувствуваме како да сме во вистинска Северна држава, Северна Ирска, Северна Кореја или друга…
Ќе кажете дека не сте криви и дека се работи за остатоци од инсталација на режимот. Па, вие дојдовте да го поправите тоа, дојдовте и тие судии да ги промените и да ги соочите со одговорноста. А наместо тоа, сега добиваме минимална казна за класичен убиец на мало дете, а од друга страна, драконски казни за други дела од „другите“.
За убијците не треба да има етничко или религиско оправдување, но, за жал, кај нас има еднострано. Можеби ние сме малку уморни од тоа што преживеевме и од војната со режимот, но да знаете, ЕУ ниту е уморна ниту корумпирана. Нема датум за ЕУ во јуни, а како што продолжува ситуацијата со правосудството, ќе нема ни во октомври.
Нема датум за една држава каде што правосудството наградува неправда и спроведува селективн правда. За ЕУ не се важни дали таткото на Бобан Илиќ е член на СДСМ или судиите кои служеле на режимит сега служат на „реформаторите“ или, пак, се толку јаки и не им можете ништо.
Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон. Врз основа на договор за соработка, оваа содржина е достапна за Плусинфо и Слободен печат без ограничувања.
