ВЕСТ НА ДЕНОТ: Пратениците го изгласаа законот за независност на Собранието
Со 82 гласа за од вкупниот број на пратеници и 22 гласа за од пратениците од немнозинските заедници, пратениците ги изгласаа измените на Законот за Собрание. Со овие измени кои се донесоа конценсуално од сите партии, Собранието добива поголема независност со тоа што добива независен буџет, самостојно обезбедување и поголема независност во вработувањето на администрцијта.
Претседателот на Собранието, Талат Џафери, апелира претставниците на политичките партии да го почитуваат повикот на преставниците на ЕУ и да изнајдат решение за Законот за Јавно Обвимителство. Тој рече дека Собранието може во секој момент да го донесе Законот за јавно обвинителство, доколку партиите ги надмимат разликите предходно.
Во Владата на Република Северна Македонија денеска се потпиша Договор за изградба на првите два километри на автопатот Скопје – Блаце. Договорот го потпишаа директорот на ЈП за Државни патишта, Зоран Китанов и генералниот директор на А.Д. „Гранит“, Зоран Милковски. На настанот присуствуваше и вицепремиерот за европски прашања, воедно и во улога на координатор на Владата за проектот Скопје – Блаце, Бујар Османи и министерот за транспорт и врски, Горан Сугарески.
Дехран Муратов: Добро е што техничката министерка конечно прогледа што оставија во наследство нејзините сопартијци во 11 годишното владеење. Тие ниту ѕидовите не ги офарбаа од 2006 до 2016 година додека беа на власт.
ИЗЈАВА НА ДЕНОТ
ПОЛИТИЧКИ ОКЕЈ КОРАЛ
Во Владата на Република Северна Македонија денеска се потпиша Договор за изградба на првите два километри на автопатот Скопје – Блаце. Кординатор на проектот е вицепремиерот за европски прашања, Бујар Османи. Не е мала работа да се изградат цели два километри автопат, изградбата се планира да трае една и пол година.
Претседателот на Собранието, Талат Џафери, јасно им кажа на пратениците дека ЕУ бара од нас да го донесеме Законот за Јавно обвинителство. „Ако пораката на францускиот амбасадор Кристијан Тимоние е дека Законот за јавно обвинителство е многу важен за добивање на датум за преговори, тогаш политичките партии треба да ги надминат бариерите и да се договорат“, рече тој.
Во Собранието, пратениците ги изгласаа измените на Законот за Собрание, со кој Собранието добива поголема независност – независен буџет, самостојно обезбедување и поголема независност во вработувањето на администрцијата.
Дополнителната заменска министерка за труд и социјална политика, Санела Шкријељ, ја повика техничката министерка Рахела Мизрахи на конструктивност и да работат заедно во интерес на граѓаните. Таа ги уверува граѓаните дека новата Техничка влада нема да има никакво влијание и нема да се одрази негативно врз нив и реформскиот процес. Сите права од областа на социјалната, детската заштита, социјалната заштита ќе продолжат да се исплаќаат редовно. Но, дали министерката Мирзахи ќе ја зграпчи подадената рака за соработка и ќе биде министерка на сите граѓан(к)и, или ќе продолжи со партиската задача и насоки, останува да видиме.
Продолжува подршката на нашата земја за отпочнување на преговорите со ЕУ. Амбасадорката на Република Хрватска Нивес Тигањ, која го претстави хрватското претседавање со ЕУ во наредните шест месеци, рече дека Хрватска, седум години по влезот во клубот на ЕУ, првпат го презема претседавањето и како најмлада членка има шанса да ја обликува европската политичка агенда. Таа нагласи дека секогаш можеме да сметаме на силна политичка поддршка од Хрватска на нашиот пат кон ЕУ. И лидерот на СДСМ, Зоран Заев на Фејсбук напиша дека единствената алтернатива на РС Македонија е ЕУ.
НЕ ПОМАЛКУ ВАЖНО
Амбасадорката на Република Хрватска Нивес Тигањ, која го претстави хрватското претседавање со ЕУ во наредните шест месеци, рече дека Хрватска, седум години по влезот во клубот на ЕУ, првпат го презема претседавањето и како најмлада членка има шанса да ја обликува европската политичка агенда. Амбасадорката посочи дека за време на хрватското претседателство, но и во годините што доаѓаат, Хрватска ќе продолжи да ја нагласува потребата од забрзување на процесот на пристапување со Северна Македонија. Бидејќи, како што кажа, македонскиот народ отсекогаш се смета за пријател на нашата земја, и јасно докажа дека припаѓа во европското семејство.
ЦИВИЛНИ ВЕСТИ
ЦИВИЛ новата 2020 година ја стартува со два семинари за транспарентни и одговорни политички процеси наменети за Полошкиот и Југоисточниот плански регион.
Семинарот во Гостивар ќе се одржи на 25 јануари, во хотел Бунар (во центарот на Гостивар), а право на учество имаат апликантите од општините во Полошкиот плански регион: Гостивар, Тетово, Врапчиште, Брвеница, Желино, Боговиње, Теарце, Јегуновце, Кичево, Маврово и Ростуше.
Апликација за учество на регионален семинар „Граѓански објектив“ во Гостивар.
ОД НАШ АГОЛ
Што сакаше, добога, да каже Мицкоски?!, прашува Сашо Орданоски во својата колумна, додавајќи: „Мицкоски му става „жежок компир“ во рацете на својот технички министер во МВР: наместо да се занимава со возниот парк во Министерството, да не треба г. Чулев да се занимава со истрага за бегството на Груевски од земјава? И така сериозни безбедносни кругови шпекулираат дека тој, наводно, бил последниот висок безбедносен службеник кој разговарал со Груевски пред нему да му се изгуби трагата накај Будимпешта“.
„ВМРО-ДПМНЕ не може да постои ако не е на власт. Во нивниот код е да владеат по секоја цена, инаку ќе се распаднат. Владеењето за нив е богатење без мерка, злоупотреба на власта за уживање во садистичките пориви и лечењето на личните фрустрации и комплекси. Нема идеја, нема концепт, нема став или стратегија, туку само крвожедност и болна потреба од голо, авторитарно, садистичко владеење и експлоатирање“, пишува Џабир Дерала во својот рафал – Предоцна е за извинување и каење.
Зоран Иванов во својата колумна бара од Зоран Заев кој вети, а не запавта со метлата, во предизбориево посилно да замавне барем со рачката.
Дехран Муратов
Во соработка со: Џабир Дерала, Биљана Јордановска, Ангела Петровска, Сашо Орданоски, Зоран Иванов
