Претседателот на Сoбранието, Талат Џафери, за утре ја закажа пленарната седница со единствена точка на дневен ред – разрешување на специјалната јавна обвинителка, Катица Јанева. Седницата ќе почне во 13 часот.
Постапката за разрешување на Јанева налага Парламентот да обезбеди дветринско мнозинство и бадинтерово гласање. Откако ќе се изгласа, предлогот за разрешување се доставува до Советот на јавни обвинители кој го финализира разрешувањето.
Претходно, пратеничката група на ВМРО-ДПМНЕ обвини дека парламентарното мнозинство и Талат Џафери одбиле да свикаат итна седница за разрешување на Катица Јанева, на нивно барање.
„СДСМ и Зоран Заев очајно на секој начин пробуваат да ја спасат Катица Јанева“, изјави координаторот на пратеничката група на ВМРО-ДПМНЕ, Никола Мицевски.
Д.М.