Советот за безбедност на ОН, побара политичкиот процес во Сирија да биде инклузивен и предводен од Сирија, по падот на режимот на Башар ал Асад.
Како што пренесува МИА, членовите на Советот за безбедност, вклучувајќи ги Русија и САД, ја истакнаа потребата Сирија и нејзините соседи да се воздржат од каква било акција или мешање што може да ја загрози безбедноста на другите.
Во соопштението „ја потврдува својата посветеност на суверенитетот, независноста, единството и територијалниот интегритет на Сирија и ги повикува сите држави да ги почитуваат овие принципи“.
