Владимир Путин е реизбран убедливо за нов шестгодишен мандат на изборите за претседател на Русија, објави рускиот Центар за јавно мислење (VTsiOM). Податоците се врз база на излезноста, јави АФП.
Според Центарот, Путин добил 73,9 отсто од гласовите, според податоци од 1.200 избирачки места во Русија.
На второ место е кандидатот на комунистите Павел Грундин со 11,2 отсто гласови.
Центарот наведува во соопштение дека преку 37 отсто од оние кои гласале одбиле да кажат за кого го дале гласот.
По преброени 21,3 отсто од гласачките ливчиња, Путин води со 71,97 отсто, соопшти ЦИК. Според податоци на Централната изборна комисија од 18 часат по локално време избирачката активност била 59,97 отсто. Тоа е два часа пред затворањето на избирачките места во западна Русија.
[divide]
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
