Startup Europe Week настанот ќе се одржи на 10-ти февруари во ЕУ Инфо центарот во Скопје. Инвеститори, стартапи, медиуми и co-working простори ќе го споделат своето искуство во градење на македонската стартап заедница.
Startup Europe Week го слави иновативното претприемништво и стартапите и се одржува во 40 земји истовремено. Во Скопје се одржува вторa година по ред, во ко-организација на Фондот за иновации и технолошки развој, Startup Macedonia, Inception Enterprises и Emkice.
На настанот ќе бидат презентирани статистики за македонската стартап сцена од Startup Macedonia, и ќе има три панели во кои ќе се дискутира како инвеститорите, медиумите и co-working просторите можат да им помогнат на стартапите.
Настанот е отворен за сите заинтересирани стартап ентузијасти и претприемачи, кои треба да се пријават на eventbride линкот.
